Daniyel 2:34 - Kutsingken Ira Rimam ti Saen Kyag

³⁴ Ti afu ku sae wu, kutxom iki si ba jwagmbub afxen-wu ayi ti a kyae yi te ikyabser ti ariben jwag jwag jwag.

Daniyel 2:34 Iomraidhean Croise

Daniyel 2:33

Afxen-wu si ikyabser, pataa afxen-wu, akyab iki si ikyabser, akyab iki ama si ariben.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

Matiyu 16:18

Ikyaen yine ame ku ri te fu, afu si Bitrus, ama yi kutxú wune, ame u mbye kumbub ande ti putsa-m tsitsa atang, ama iticwu u nde num wu num.

Yohana 1:13

I si-yi unda iki ti kyaen rishwu u mbae ba be, ira unde fa-yi atang be. Rimam ti risu-wu ti si Itse-ba.

Wande Atom 4:11

Pangma ti a bae uwae Kutsingken Rimam, Yesu wune si Kutxom wu ti ani ande ti ku mbye kusog shaen wu shaen, amaa, kafe pu wu kutxom ti a u mbye rikwerfe kusog atang,

2 Korinti 5:1

Ati nung baa, asiti ijwe-ti ayine na u twenji pangma afug ti ku kyaen sisi. Ama ati a cwu, Rimam u nda ti kusog tishe ti si-yi unde iki ti kyae be, si Rimam ti kyae te ajwo-wu. Asog-ti yine u tsi kukunn.

Mbaibrane 9:24

Ufug itifen ti Kristi sang atang si-wu ufug ti ande kyae ti ajwo be. Awu ti ike ru kusog Rimam ti kubenti ti ta apupwen. Uwog ti Kristi sang atang si uwog ti Rimam ta atang apupwen. Tine awu tsi uwe Rimam kutunn unju-ti.

1 Bitrus 2:7

Ara, ani ande ti ru kubenti ku nung itinyang kutxom wune, amaa, uwog ande ti ru-ba kubenti be, ayi si pangma ti a bae uwae Kutsingken Rimam baa, “Kutxom ti ande ti ku mbye kusog sae ru ru, awu ti kafe kutxom na ukub kusog wu.”

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”