Daniyel 2:25 - Kutsingken Ira Rimam ti Saen Kyag

²⁵ Ariyoki ci-wu kiye be, u pu ra Daniyel ka tu ukwe u ri te wu baa, “Ame tu pu m unde iki uwae ande ti a ye ba apyi ru uten Yawuda ba, ti awu u ri imbyi kurwa yi te fu ukwe.”

Daniyel 2:25 Iomraidhean Croise

Kucangtsi 41:14

Tiri Ukwe tsa kutsa ru uwog Yusufu ti kufe. Aba pu wu ruye uwae pursuna atang. Ama awu kob icee-wu u fin atupwa-wu, u ba uwog ukwe.

Nehemiya 7:6

Abane si ariki uwae ande ti Nebukanezar ye ru usom upyi yi Babila ti kafe ba yi Urushelima ti Yawuda. Unde titini kafe ru ti yi uten-wu.

Daniyel 1:6

Daniyel, ti Hananiya, ti Mishayel, ti Azariya ti ru ye uten Yawuda fa uwae ande ba ti a tsab.

Daniyel 5:13

Ama a ka pu Daniyel ba uwe ukwe, ama ukwe rang Daniyel baa, “Afu ti si Daniyel kinjo uwae Mbayawuda ti itse-m ukwe ye ba apyi ru Yawuda ba a.

Daniyel 6:13

Ama aba ri te ukwe baa, “Daniyel, kinjo uwae Mbayawuda, ti a ye ba apyi ru ba ike, nae-wu risu riben te fu ukwe be, u ku putswa-wu icwe-fu be. Awu ku jwam bwe itijwam atsepu ita uwae usir.”