Daniyel 2:23 - Kutsingken Ira Rimam ti Saen Kyag

²³ Rimam na abitse-m, ame ku tso na fu fxaefa, ku teb fu, ikyaen ti afu nda pu fu ame itsab ti kpakang, ama tatso pu fu ame iken ti ati jwam, ikyaen ti, afu tatso pu fu ati kurwa ukwe.”

Daniyel 2:23 Iomraidhean Croise

Kucangtsi 18:17

Yaweh ri baa, “Ame u tam Ibrahim iken ti ame sa tsi ti m u nde njwaa?

Kucangtsi 31:42

A baa, Rimam na Ibrahim, Rimam ti itse-m Ishaku ku kyen ikyenricwu-wu, na te m ta-wu tetso be, afu ú tē m ru ajwo ukaen. Amaa Rimam nung rikaen ti ame ngwa, ti wande ti ame nde na fu nee awu fa-fu kusen utitang ire.”

Itiruye 3:15

Ri te kyi anyisu Isirela baa, ‘Ame Yaweh, Rimam na abitse-ni, Rimam na Ibrahim ti Ishaku ti Yakubu ti tom m ba uwog-ni.’ Awune ti si rinyi ti ani ti meme anyisu-ni ti ku ba isim u kunn m atang ru fife yi uwe.

Daniyel 1:17

Ana anyisu itaen inje bane, Rimam nda ba itsab ti iyi iken ti bae, ti itinungye ana iken meme. Ama Daniyel site itinungye imbyi kurwa ti iken ti Rimam ku tatso yi fengo txi txi txi.

Daniyel 2:18

Awu ri te ba ti a na jwam Rimam ti apupwen ti wu na sae ba te ayibrisi ti wu na ri te ba imbyi kurwa ukwe, ti a na twenji-ba fa ti ande ti ben ayib na Babila ti tsitsi be.

Amos 3:7

Kubenti, Itsekuru-ti Yaweh ku nde-wu iken iki be se awu a ri te pu wu apyi-wu ti ku ya iskin-wu.

Matiyu 11:25

Uwae kiye wu Yesu ri baa, “Ame fxaefa te fu Itse, Itsekuru na apupwen ti riben, ikyaen ti afu sa ira-fu tam ande ti ben yib ti ande ti site iyii, ama u sa tatso ande ti nung-ba iken be.

Luka 10:21

Uwae kiye wune Kusung Rimam nda Yesu utob ti tsen si-yi ti ti ri be. Tiri Yesu ri baa, “Itse-m, Itsekuru apupwen ti riben! Ame ku nde fu fxaefa ikyaen ti, afu sa ira ti tinyang-fu tso ande ti nung-ba iken be, amaa uwog ande ti iyii ti ande ti ben ayib, afu sa yi titam. Kubenti, Itse, ame ku nde fu fxaefa ikyaen ti, ayi nyang uwae-fu ti afu nde iken yine.”

Yohana 11:41

Ama aba kaenra kutxom wu ru. Yesu sae ayib tso yi apupwen u ri baa, “Ame fxaefa te fu Itse-m ti afu naa kutong u ku fxen m.

Yohana 15:15

Ame ku kunn-m ani baa apyi cwucwo be, ikyaen ti, upyi ku nung-wu iken ti unde ti kununn-wu ku nde be. Tine ame u kunn ni baa arwan-m. Ayine si iken ti nde ame ri te pu m ani meme ira ti ame fxen uwog Itse-m.

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 5:5

Tiri, kinjo uwae ande ndufu bane je m baa, “Jwub-fu ira be. Sae! Itumu ti ta kumyaem na Yawuda, u si ipab Ukwe Dawuda, ci pu wu rika. Awu u ndetu ti wu mbubta kupwa wu ti a fxebkyi wu atsepu itsongfaen ne.”