Daniyel 2:22 - Kutsingken Ira Rimam ti Saen Kyag

²² Awu ku tatso unde ira ti rurong, ti iken ti titam. Awu nung iken ti ta uwae kufub, ikyaen ti awu ti risu-wu kukyi te itisaen.

Daniyel 2:22 Iomraidhean Croise

Kucangtsi 41:16

Yusufu ri te Ukwe baa, “Ame ku tsag tu-m imbyi kurwa be, amaa Rimam ti u tsag tan imbyi kurwa Ukwe na wu.”

Daniyel 2:11

Ira ti ukwe ku rang ne caeb timambe, unde iki ta-wu ti u ri tu kurwa yi be, nyáng apxin ti ku som si-ba kutampwa ande be ti u ri tu.”

Daniyel 2:19

Yi utitang wu Rimam tatso Daniyel imbyi kurwa yi, ama Daniyel teb Rimam ti apupwen.

Daniyel 2:47

Ukwe ri te Daniyel baa, “Kubenti, Rimam-fu skeb pu wu apxin, u si Itsekuru ana abikwe. Awu ti ku tatso ande iken ti kitam ikyaen ti, afu fxir tu pu fu imbyi kurwa yine.”

Daniyel 5:11

Unde iki ta atang yi kujwokwe-fu ti site kusung apxin ti sisaen kiye ti itse-fu si ukwe. Unde wu site itinungye ti itsab pangma ayi na ru uwog Rimam ba. Ama itse-fu ukwe Nebukanezar nda wu ta risu meme ande ti ipwen, ti ande ti ben ayib.

Daniyel 5:14

Ame fxen iten ira-fu baa, afu na site kusung Rimam, ti itinungye, ti itsab, ama u ben ayib timambe.

Matiyu 13:13

Iken ti nde nee ame ri ira te ba yi uwae ira ti ti sunn si ikyaen ti, aba ku sae, amaa, a ku nung-ba be, aba ku naa atong, amaa, a ku fxen-ba be, ku nungye-ba be.

Yohana 1:9

Kiye wu, Uwog ti Saen Kyag ti kubenti sang ku ba yi uwae utense. Awu ti ku ci ku jaen wurwur risu ande meme.

Yohana 21:17

Yesu rang kyi wu ti atsepu ita cwucwo baa, “Siman umbae Yohana, afu site ure te m a.” Utob Bitrus ndembeb, ikyaen ti, Yesu rang kyi wu ira ti atsepu ita baa, awu site ure te wu bara? Ama awu ri te Yesu baa, “Itsekuru, afu nung tag pu fu iken, afu nung pu fu ama baa, ame na site ure te fu.” Yesu ri te wu baa, “Shi iwentam-m.

Yohana 8:12

Yesu ri te ande ti kumbub Farisi cwucwo baa, “Ame si uwog ti saen na utense, ko aye ti a putsa m u kyang-wu ikyin uwae kufub be. Ame u nda wu nung uwog paenine, u tu unyang.”

1 Korinti 4:5

Ikyaen ira yine ni pwen-ni unde rikwen be, se usir a pang pu wu. Usir wu a ba pu wu ti Itsekuru-ti Yesu a kafe ba, awu u ba pwen rikwen yi ti ajwo-wu. Awu u ri tatso ti iken ti ta uwae kufub, ti ira ti unde titini ku kab riyaen utob-wu. Tiri, Rimam u teb unde titini ikyaen kujwo wande-wu ti awu nde.

Afisa 3:5

Kute a tsag te-ba ande ira yi be, amaa tine uwae wande na Kusung Rimam, a mbubta yi uwe ande ti awu tsab ba ti a na si ande ti atom-wu ti ande ti ku ya iskin ira-wu.

1 Timoti 6:16

Awu kinjo-wu amam ti ku cwu-wu cwu be. Awu ti som uwog ti sisaen, uwog ti unde iki u ka fob-wu atang be. Awu ti unde iki ta-wu ti nung wu ti ayib be. Awu ti unde iki u nung tu-wu awu te ayib be ama. Kuko ā si ana-wu. Kujwokwe-wu ā tsi kukunn ru fe yi uwe! Ayi ā si ahan!

Mbaibrane 4:13

Iken iki ta-yi utense wune ti si iken ti kitam uwe Rimam be. Meme iken nae ise paenine uwe-wu. Ati meme u tsi uwe-wu u fxirtso iken ti ati nde.

Yakubu 1:17

Meme rinyangwae ti tinyang, ti rinda ti nda ti pang atang, ku sī uwog Rimam ba. Awu ti si Ite-ti ti kyae usir ti ishaen apupwen. Awu ku kafe-wu fe pangma kubyi be.

1 Yohana 1:5

Ira ti ati fxen uwog-wu, u ku tsag ku te ni si ti, Rimam si uwog ti saen, uwog-wu, kufub ta-yi atang be.