Daniyel 2:21 - Kutsingken Ira Rimam ti Saen Kyag

²¹ Awu ti ku nda ushaen fam ti ushaensen. Awu ti ku waen ariki ukwe ama ku nae ariki ukwe. Awu ti ku nda itaen ti ben ayib itsab-ba, ama ku nda itaen ti iyi itinungye-ba.

Daniyel 2:21 Iomraidhean Croise

Esita 1:13

Tiri ukwe sha kumyae uwog ande ti ben ayib ti nung iken ti ku nde, pangma ti awu ku nde kob.

Itiruye 31:3

Ame kumunn pu m awu te kusung Rimam, ti itindetu, ti ben-ayib, ti itinungye na meme iken ti ti nde tu ajwo.

Itiruye 31:6

Cwucwo, ame tsab pu m Oholiyab, umbae Ahisamaki, uwae rishi Dan ti wu ndeya Bezalel. Meme ande ti site itsab, ame nda pu m aba ben-ayib itindetu iken ajwo, ti a u nde meme iken ti ame tso fu ti fu na nde,

Daniyel 1:17

Ana anyisu itaen inje bane, Rimam nda ba itsab ti iyi iken ti bae, ti itinungye ana iken meme. Ama Daniyel site itinungye imbyi kurwa ti iken ti Rimam ku tatso yi fengo txi txi txi.

Daniyel 10:1

Uwae kusang ti ita ti Saerus nae ukwe risu uten ti Pasiya, Daniyel ti rinyi wu iki si Beteshazar, kutsa ti kitam ru ba sang Daniyel utob. Awu nungye baa, ira ti kitam yi na ta risu iken ti u ba nde kang uwe ike. Ayi na u si kye na rika, ama rikaen ti beb timambe u pu uten.

Daniyel 11:6

Isim asang iki, ukwe ti kujwo isi ti ukwe ti kujwo isku u si unju tetso. Awu ukwe ti kujwo isi wu u pu umbae-wu ti unda baen ukwe ti kujwo isku ikyaen ti unju-ba na ru uwog kinjo. Amaa, unda wu ti itse-wu meme u si-ba te kpakang uwe ukwe ti isku be, amaa, a u wen wu, ti anyisu ti som te wu, ti umbae-wu, ti ubaen-wu uwae kiye wu.

Daniyel 2:20

Awu ri baa, “Ititeb ā si yi rinyi Rimam ru fife yi uwe uwe ikyaen ti, ben-ayib ti kpakang si ana-wu.

Daniyel 2:23

Rimam na abitse-m, ame ku tso na fu fxaefa, ku teb fu, ikyaen ti afu nda pu fu ame itsab ti kpakang, ama tatso pu fu ame iken ti ati jwam, ikyaen ti, afu tatso pu fu ati kurwa ukwe.”

Daniyel 2:9

Asiti ani a fxir na-ni ame kurwa yi be, ame u nde ni ira. Ani sa tsi ti ni u kyaefa m te ira ti tikong ku kab baa, ame na u kafe ira ti ri-m. Ikyaen yine, ni tsag te m kurwa yi, ayine ama u tatso m baa, ani na u ri tu imbyi-yi na te m.”

Daniyel 4:14

“Awu ri tso te afxenjwin tiyang baa, ‘Ni tur kutuku wu si riben ti ni pye tag ajwo-wu, ti ni waen atsing-wu, ti ni pu awaen-wu jwunnshag jwunnshag, ti ibye kutur ti nae imbyi kutuku wu ā ter shag, anung ti nae ajwo-wu ama ā yaenshag.

Daniyel 4:17

“ ‘Ira yi ti a ri ne ru uwog atom wu ti apupwen ba. Awu atom wu ti saen kyag wu ti ri baa, iken yine u nde ikyaen ti meme ande ā nungye baa, Rimam ti skeb ti tag ti na ta risu meme kujwokwe ti ta utense. Awu u ndeye ti wu fxaembe yi u nda unde ti awu ku sha, unde ti nae risu riben uwog-wu.’

Daniyel 4:22

Kutuku wu si afu ukwe ti tso u site pu fu rurob, ti iten rurob-fu ayi tso ka sang pu yi ti apwa apupwen, ama kujwokwe-fu shag kyife utense.

Daniyel 4:32

ama a u rwae fu nwunn kutampwa ande u kaa som te ibye uwae kutur. Afu u ka kub irum pangma indag ka asang itsongfaen, se kiye ti afu a nungye pu fu baa, Rimam ti skeb ti tag na ta risu kujwokwe ande uwae utense, ama na ku sa yi na unde ti awu ku sha.”

Daniyel 7:25

Awu u rimbeb Rimam ti skeb ti tag, u nde ande-wu ti saen kyag rikaen, ama u kab ti wu kafe kiye ukwab-ba ti icwe-ba. Aba u ta kujwo-wu ka asang ita ti ripye.

Luka 21:15

ikyaen ti, ame u sha na ni itinyang ti ben-ayib, ikyaen ti ko kinjo rikaen uwae ande ti rika-ni u tsi tu-wu uwe-ni ti wu u ci rika risu-ni be.

Roma 13:1

Unde titini ā nae risu riben na ande ti uwe uten. Ikyaen ti, unde iki ta-wu ti kuko risu ande be, se Rimam a cwe pu wu itawe. Aba ti ta risu-ni uwae utense ne, ayi si Rimam ti ye ba tsi.

1 Korinti 1:30

Rimam ti nda ni ren risu te Itsekuru-ti Yesu Kristi. Awu ti nde fengo nee Yesu Kristi kwen na ti ben-ayib ti kubenti. Uwae wande na Yesu Kristi, Rimam nung ti ati si ande ti kubenti. Awu jwosaen utob-ti u saen ti ta uwae ikentitibi.

Yakubu 1:17

Meme rinyangwae ti tinyang, ti rinda ti nda ti pang atang, ku sī uwog Rimam ba. Awu ti si Ite-ti ti kyae usir ti ishaen apupwen. Awu ku kafe-wu fe pangma kubyi be.

Yakubu 1:5

Asiti unde iki uwae-ni a si-wu te ben-ayib be, awu ā jwam Rimam ti ku mbubta ajwo na ande meme, ku fxir-wu unde iki kufxir be, ama awu u nda wu.

Ititatso 19:16

Rimenn arun-wu ti kusa-wu, a bae rinyi atang baa, “Ukwe na akwe, Itsekuru na itsekuru.”