Daniyel 12:4 - Kutsingken Ira Rimam ti Saen Kyag

⁴ Amaa, afu Daniyel, ye su ira yine cwucwe uwae utob-fu, ti fu burkyi kutsingken wu se kiye ti ricwunnkyi a ba pu wu. Kiye wu, ande yang-ba akwen u ter tsutso ter sisi, ku sha ti itinungye-ba a ko fufa.”

Daniyel 12:4 Iomraidhean Croise

Daniyel 10:1

Uwae kusang ti ita ti Saerus nae ukwe risu uten ti Pasiya, Daniyel ti rinyi wu iki si Beteshazar, kutsa ti kitam ru ba sang Daniyel utob. Awu nungye baa, ira ti kitam yi na ta risu iken ti u ba nde kang uwe ike. Ayi na u si kye na rika, ama rikaen ti beb timambe u pu uten.

Daniyel 10:14

Ame si ba ti m nda fu itinungye ira ti u ba tu ande-fu uwe ike, ikyaen ti, ira ti kitam yine ku tso ira ti u ba nde uwe ike.”

Daniyel 10:21

Amaa, ame u ri te fu ira ti a bae uwae kutsingken ti kubenti. Unde iki ta-wu ti u ndeya m be, si nyang Mikayel atom ti ku nungkyi anyisu Isirela amam.

Daniyel 11:33

“Ama ande ti ben ayib uwae-ba u mbubta na ande yang-ba ayib. Amaa, uwae kiye pang, a u yerwen ariki uwae-ba, u twen mbub ariki, u ye ariki ru apyi, u kwae pu rifunn-ba ru.

Daniyel 11:40

“Ricwunnkyi-yi ukwe ti kujwo isi u ba kúnn wu te rika. Amaa, ukwe ti isku u tsotsa wu ti ribom pangma kutikyib, te kuskus ti kya fa kakum, ti ande ti ku tso kakum, ti ayae ti uwae ambyi, awu u ba sang uten uten u ci ba rika ama yafe ru.

Daniyel 12:13

“Amaa, ana-fu Daniyel, ru-fu iken-fu se usir ti ricwunnkyi. Afu u cwu, a u kunn nwunn fu u nda fu kujwojang.”

Daniyel 12:5

Tiri ame Daniyel sae u nung ande ifaen iki tsi. Kinjo tsi unju uyinn iyen ike, ti ifaen ama tsi unju uyinn iyen akwen.

Daniyel 12:9

Awu ri baa, “Ru-fu iken-fu Daniyel, ikyaen ti, ira yine tam-yi tam se usir ti ricwunnkyi.

Daniyel 8:17

Ama Jibirilu wu ko ba fer m yi uwog ti ame tsi atang. Kiye ti awu ko ba, ikyenricwu ye m, ama ame sī ka nae u sa uwe-m bur riben. Amaa, awu ri te m baa, “Unde! Nungye baa, kurwa yi ku ri ira risu kiye ti ricwunnkyi.”

Daniyel 8:19

Awu ri baa, “Ame u ri te fu iken ti u ba nde uwe ike kiye rinae Rimam, ikyaen ti, kurwa yi ku ri ira risu kiye ti a sa tsi ti ricwunnkyi.

Daniyel 8:26

“Kurwa yi ti a tsag te fu baa a na u byang kyi iken ti twen kiskinn ti ureb si kubenti. Amaa, tam yi tam. Ri-fu ayi te unde iki be, ayi ku tatso ira ti u ba uwe.”

Matiyu 24:14

Usir ti ricwunnkyi u ba-wu be se iken ti a sa ira ti tinyang Rimam ri te tag pu ba ande uwae utense meme. Unde titini u tu riyae u fxen yi, itawe usir ti ricwunnkyi u ba.”

Roma 10:18

Amaa, ame u rang ira iki. Ande ti Isirela fxen-ba ira Rimam be a. Kubenti, aba fxen pu ba. A bae uwae Kutsingken Rimam baa, “Afxenjwin ande ti atom kyang ka sang pu yi uwog ti ta fengo ti rwen. Ira unju-ba shag kyi fe utense meme.”

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 22:10

Awu ri te kyi m baa, “Fxebkyi-fu ira iskin ti ya ti a bae uwae kutsingken wune be, ikyaen ti, kiye ko ku fer pu wu.

Ititatso 5:1

Ama ame sae, kujwo rici Awu ti somtsa kutxomkwe wune, kupwa ti a bae iken uwae ti ise meme u fur ra wu, u fxebkyi wu atsepu itsongfaen.