Daniyel 12:3 - Kutsingken Ira Rimam ti Saen Kyag

³ Ande ti ben ayib u jae pangma apwa apupwen. Ande ti pu ande yang-ba ru ba fengo ti kubenti ama u jae pangma aswer ru fife yi uwe.

Daniyel 12:3 Iomraidhean Croise

Itiruye 34:35

ama aba ku nung kutxuwe-wu ku jijaen. Ama Musa ku pu kutupwa kukyi uwe-wu, se kiye ti awu a ku ru ti wu kaa ri ira te Yaweh.

Daniyel 11:33

“Ama ande ti ben ayib uwae-ba u mbubta na ande yang-ba ayib. Amaa, uwae kiye pang, a u yerwen ariki uwae-ba, u twen mbub ariki, u ye ariki ru apyi, u kwae pu rifunn-ba ru.

Daniyel 11:35

Ama ariki uwae ande ti ben ayib ba u jwunnsi, ikyaen ti aba u sisaen u shanum ti riraen ka sang ti usir ti ricwunnkyi, ikyaen ti, ayi si-yi kiye ti a sa tsi khika be.

Daniyel 12:10

Ande yang-ba u som sisaen u site-ba ajib iki be, u kyaenyang ijwe-ba nyinyang. Amaa ande titibi u tsi kukunn te itibi ti ti nde. Ko unde iki uwae-ba u si-wu te itinungye be, amaa, ande ti ben ayib u site itinungye.

Matiyu 13:43

Ama ande ti som usom ti saen kyag u jijaen wur wur pangma usir yi Kujwokwe ana Itse-ba. Unde ti a site atong ti ku fxen ira, awu ā fxen.

Matiyu 19:28

Yesu ri te ba baa, “Kubenti ti ame ku ri te ni, kiye ti a u kafe utense tishe, Umbae Unde u som tsa iken ti som na Ukwe-wu, ani ande-m rijwe asu ifaen ne u som tsa iken ti som na akwe ama. Ani u pwen rikwen risu rishi anyisu Isirela rijwe asu ifaen.

Matiyu 24:45

“Upyi ti tinyang ti ben ayib si upyi ti unde ti kununn-wu sa wu tsi uwe apyi ti tsitsi ti wu na nda ba wuci-ba uwae kiye ti pang atang.

Yohana 4:36

Unde ti ku bunn wuci mbe ku pu wu kujwojang-wu. Awu ku pu ande ru ba ti a na tu unyang ti tsi kukunn, ikyaen ti unde ti tsutso ti unde ti bubunn na ru ba pam upam tetso meme.

Yohana 5:35

Yohana si pangma urwa fitila ti ku cwe u ku nda uwog saen paenine. Uwae kiye kpang, ani cwe ira-wu u ku tsen utob ti uwog ti saen-wu.”

Wande Atom 13:1

Uwae ande na Yesu ti ta Antiyok, ande ti ku ya iski ira Rimam ti ande ti ku kwen iken ta atang. Aba si Barnaba ti Simeyon ti a kunn wu baa Tibyir, ti Lukiyos unde ti uten Kirene, ti Manayen ti a shi wu te Ukwe Herodus te atso, ti Sawulu.

1 Korinti 3:10

Uwae rinyangwae na Rimam, ame pangma unde ti ku mbye kusog, ame tā pu m umbyi kusog wu, unde iki ku mbye kutsa risu-wu. Unde titini ā nung nyinyang ti itso iken ti awu u mbye kutsa umbyi kusog wune.

Afisa 4:11

Rinyangwae yi ti a ri ira risu-yi ama, awu nda ariki si ande ti atom, ariki ama si ande ti ku ya iskin ira Rimam. Ariki ama ku sa ira-wu tsag te ande. Awu tsab ariki ti a na shi ande na Rimam, ariki ama ikyaen ti a na si ande ti ku kwen iken.

Mbaibrane 5:12

Tine, ani serben pu ni ti ani ú kwen na ande ira Rimam, amaa, ani ku sha ti unde iki na kwen na kang ni icwe Rimam cwucwo. Ani ku sha akang abyaen, si-yi wuci ti kpakang be.

2 Bitrus 3:15

Ni nung nyinyang baa, utob ti ye na Itsekuru-ti ku nda ande riyae ti a nwangru, pangma ti inja-ti Bulus bae na ni uwae ben ayib ti Rimam nda wu.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”