Daniyel 12:10 - Kutsingken Ira Rimam ti Saen Kyag

¹⁰ Ande yang-ba u som sisaen u site-ba ajib iki be, u kyaenyang ijwe-ba nyinyang. Amaa ande titibi u tsi kukunn te itibi ti ti nde. Ko unde iki uwae-ba u si-wu te itinungye be, amaa, ande ti ben ayib u site itinungye.

Daniyel 12:10 Iomraidhean Croise

Daniyel 11:33

“Ama ande ti ben ayib uwae-ba u mbubta na ande yang-ba ayib. Amaa, uwae kiye pang, a u yerwen ariki uwae-ba, u twen mbub ariki, u ye ariki ru apyi, u kwae pu rifunn-ba ru.

Daniyel 11:35

Ama ariki uwae ande ti ben ayib ba u jwunnsi, ikyaen ti aba u sisaen u shanum ti riraen ka sang ti usir ti ricwunnkyi, ikyaen ti, ayi si-yi kiye ti a sa tsi khika be.

Daniyel 12:3

Ande ti ben ayib u jae pangma apwa apupwen. Ande ti pu ande yang-ba ru ba fengo ti kubenti ama u jae pangma aswer ru fife yi uwe.

Markus 4:11

Awu ri te ba baa, “Ana-ni, a ku mbubta na ni ira ti ku cwucwe na Kujwokwe Rimam. Amaa ande ti ta-ba uwae-ni be, a ku ri te ba ira meme ti ira ti sunn.

Luka 24:25

Yesu ri te ba baa, “Ani rob risu, ande-m! Ande ti ku ya iskin ira Rimam bae tag ira risu iken yine meme uwae Kutsingken-ba, ama utob-ni rob cwan, ani ru-ni kubenti atang fife be!

Yohana 18:37

Bilatus rang wu baa, “Ayi a si ahan, afu si ukwe a?” Yesu ri te wu baa, “Afu ti ri ira yi. Iken ti nde titawe a mbae m sang ba uwae utense wune si ikyaen ti m na ri ira ti kubenti. Unde titini ti si unde ti kubenti, awu ku naa kutong ku fxen m.”

Yohana 7:17

Unde titini ti ku sha ti wu na u nde iken ti Rimam ku sha, awu u nungye baa, iken ti ame ku kwen ru uwog Rimam ba re, re ayi si ana-m ti risu-m amam ra.

Yohana 8:47

Asiti unde a ru uwog Rimam ba, awu u naa atong u fxen ira Rimam. Ani ru-ni uwog Rimam ba be, nee iken ti nde ani ku naa-ni atong ti ni na u fxen ira-m be.”

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

2 Korinti 7:1

Ande-m ti ayib ricwu-m ti Rimam yer unju yine meme te ti, ame ku jwam baa, ti na jwo saen ijwe-ti. Iken meme ti ku nda ijwe-ti ko utob-ti kafe iken ti ku txi iyib uwe Rimam, ti yi ta. Ti kwab ti ti si ande ti sisaen uwe Rimam ti ti som usom-ti uwae ikyenricwu-wu.

Titus 2:14

Awu cwu ricwu risu-ti ikyaen ti wu na nwangru ti uwae itso ikentitibi meme, u jwosaen utob-ti, u sa ti kafe ande ti ana-wu, ande ti sa utob na wande ti tinyang ti ti nde.

Mbaibrane 12:10

Abitse-ti ku byinn ti kimbab yi uwae kiye pang utense ike, yi fengo ti ku nyang uwae-ba. Amaa, ana Rimam, awu ku byinn ti kimbab ikyaen ti wu kyaenyang ti nyang, ti ati ā som usom ti saen kyag pangma awu.

1 Bitrus 1:22

Tine ani nae pu ni risu riben te ira Rimam ti kubenti, u jwosaen pu ni utob-ni, u site ure ti kubenti na ameinja. Ikyaen yine, ni ye ure te atso ti utob-ni meme,

1 Bitrus 1:7

Ayine si ikyaen ti a u tatso paenine baa uwae kinjo-ni na si kubenti. Zinariya ti si iken ti ku ndembembeb, a ku myae yi te urwa. Ti mbwe-yi ama a ku myae uwae kinjo-ni, ti nyangskeb zinariya. Ricwunnkyi-yi, uwae kinjo-ni u shir na ni ititeb, ti rurob ti riyinn, kiye ti Yesu Kristi u ba tso risu-wu.

1 Yohana 5:20

Ati ama nung pu ti baa, Umbae Rimam na ba nda pu wu ati itinungye, ti ti na nung Rimam, awu ti si kubenti. Ati ama ta uwog awu ti si kubenti, ikyaen ti, ati bae fa Umbae-wu Yesu Kristi. Awu ti si Rimam ti kubenti, u si unyang ti tsi kukunn.

Ititatso 16:11

Aba txunmbeb Rimam ti ta apupwen ikyaen rikaen, ti ribang mbyìr ti tso kyife ba rimenn. Ko ti iken yine tu ba, aba kafe isim ta-ba kujwo wande titibi-ba be.

Ititatso 19:14

Meme akyirten ti apupwen putsa wu, u tso kakum ti tsen, u yir tag ijwe-ba te atupwa ti ti tsen ti saen por por.

Ititatso 19:8

Rimam cwe na wu ti wu na kyae ijwe-wu ti atupwa tishe titsen porr porr.” Atupwa yi si wande ti tinyang na ande na Rimam.

Ititatso 22:11

Ni ya unde ti ku nde ikentitibi ta ti wu ā ru yi uwe te iken titibi ti nde. Ni ya unde ti ku nde iken ti isor ta, ti awu ā nde iken ti isor-wu ayi. Ni ya unde ti ku nde iken tinyang ta, ti awu ā nde iken ti tinyang-wu. Ni ya unde ti som usom ti sisaen ta, ti awu ā som usom-wu ti sisaen.”

Ititatso 3:18

“Tine, kumyae-m si ti, afu na jaeb ayib zinariya uwog-m, zinariya ti a fufug te urwa, ikyaen ti fu kafe unde ti rifunn. Jab atupwa ti tsen ti fu pu cwunnkyi ribam-fu, ikyaen ti ande ā sae-ba rukwae-fu be. Jab acin ti fu kam si ayib-fu, ikyaen ti fu sae uwog paenine.