Daniyel 12:1 - Kutsingken Ira Rimam ti Saen Kyag

¹ “Kiye wu Mikayel, unde ti uwe atom ti apupwen ti ku nungkyi ande-fu, u nwunn. Ayi u si kiye rikaen tí ngwa, itso rikaen ti tu ji-yi ande ti ti uten wu bag be. Amaa, kiye wu, ande-fu u tu itinwangru, ko aye ti rinyi-wu baesi uwae kutsingken.

Daniyel 12:1 Iomraidhean Croise

Daniyel 10:13

Kiye ti ame si ku ba, ukwe na kujwokwe Pasiya kwab ukwab te m ka usir rikom asu kinjo, amaa, Mikayel, kinjo uwae atom ti uwe atom ti apupwen si ba ndeya m ikyaen ti, ame amam ti fa abikwe na Pasiya.

Daniyel 10:21

Amaa, ame u ri te fu ira ti a bae uwae kutsingken ti kubenti. Unde iki ta-wu ti u ndeya m be, si nyang Mikayel atom ti ku nungkyi anyisu Isirela amam.

Daniyel 11:45

Ama awu u sim afug rika-wu kutampwa uyinn ti rikwen ti sisaen. Amaa, awu u cwuji, unde iki u ta-wu ti u ndeya wu be.

Daniyel 7:10

Ajaen urwa ku ru ye uwog-wu pangma ambyi. Ande kumbub kumbub fen wu. Kumbub rijwe ka kumbub rijwe tsi uwe-wu. Ande ti ku pwen rikwen som ku ji ti a u yer rikwen. A mbubta atsingken uwe-ba.

Daniyel 9:12

Afu kumunn pu fu ira-fu ti afu ri risu-ti ti abikwe-ti ti ku tae ti, yi fengo ti afu nda ira titibi si ba risu-ti. Ti ti afu mam apupwen ti riben, itso ira yi ti tu Urushelima ne tu ji-yi uten iki khika be.

Matiyu 24:21

Ikyaen ti, rikaen uwae kiye wune u skeb tag rikaen ti ande ngwa ti ti Rimam mam utense ru ba ti usir ti yaka ne.

Markus 13:19

Ikyaen ti, rikaen ti uwae kiye wu ti ame ku ri ne u skeb tag pu yi rikaen meme pab, ti ti Rimam kyae utense ba kwar ti yaka ne. Ama ande u ngwa-ba rikaen itso yine uwe ike cwucwo be.

Luka 10:20

Amaa ni tsen-ni utob ikyaen ti rijwen titibi nae risu riben uwog-ni be, ni tsen utob ikyaen ti a bae rinyi-ni kuru Rimam apupwen.”

Roma 11:15

Ikyaen ti, pangma kiye ti Rimam pyir ba, ama ayi kafe fengo ti ande ti tsitsi meme kafe arwan-wu, ayi u si ahan ama, kiye ti awu a kyangte ba, ayi u kafe iken ti nyang ya tsitsa. Ayi u si pangma atikicwu na ru kinjag ba.

Roma 11:26

Ayine si fengo ti ande ti Isirela meme u nwangru, pangma ti a bae uwae Kutsingken Rimam baa, “Unde ti u nwangru ande u ru Siyon ba. Awu u rwae ruye ikentitibi uwae rishi Yakubu.

Afisa 1:21

Tine Kristi ta risu meme akwe ti ande ti kuko, ti meme iken ti site rurob uwae utense ike. Meme ande ti site ande umbyi-ba patag, awu nae ukwe risu-ba. Awu ta uwe meme iken ti ande ku fwa yi rinyi baa, iken ti kuko uwae utense tine, ti uwae kiye ti ru ku ba.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

Yawuda 1:9

Mikayel ti si ukwe rika atom Rimam ti apupwen ri-wu itso ira yine be, kiye ti awu te Shetann ku txwa rukom Musa. Awu txun-wu Shetann asu be, awu ri nyáng baa, “Rimam ā byinn fu kimbab.”

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 12:7

Isim ayine, rika pu apupwen! Mikayel te atom ti ta imbyi-wu, ta rika ti usang wune ti afaen ti imbyi-wu.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:15

Unde ti rinyi-wu ta-yi uwae kutsingken na unyang ne be, a ye wu jwunnsi uwae uvum urwa wune.

Ititatso 3:5

Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.