Daniyel 11:4 - Kutsingken Ira Rimam ti Saen Kyag

⁴ Kiye ti awu a nwunn pu wu, kujwokwe-wu u kata ka aru inje, amaa, ayi u si-yi rishi-wu ti u ta risu-yi be. Ayi ama u si-yi pangma kiye ti awu ta risu-yi be, ikyaen ti, a u waen ra kujwokwe-wu u nda ariki.

Daniyel 11:4 Iomraidhean Croise

Daniyel 7:2

Daniyel tsag baa, “Ame sunn kurwa utitang ti ufunn ru ukub inje utense ba ku kae ambyi yaenshag uwae uyinn tiyang.

Daniyel 7:6

“Isim ayine, ame sae kyi ibye iki tsoye ti ru icwu u site asae inje isim-wu pangma asae kunung, ama si te risu inje. Ama a nda wu kuko risu iken meme.

Daniyel 7:8

“Ti ame ku kab ira risu ishin yi, ti m nunung ishin tikiyib iki mbug tsoye kutampwa-yi. Isim-yi, a sub ishin ita uwae-yi tsoye ti ipab-yi. Ishin tikiyib wune site ayib pangma ayib unde, ti unju ti ku ri ira uwae ijwe ti ndub.

Daniyel 8:22

Ishin wu ti mber ru, ama ishin inje yi ti ba tsokyi ne ku tatso baa, ajwokwe inje na u ba tsoye uwae kujwokwe-wu, amaa, ayi u kpag-yi pangma awu be.

Daniyel 8:8

Iwenten wu kpag fufa, amaa, kiye ti awu kpag mbeb, ishin ti kpakang wu mber ru. Uwog ti ishin wu mber ru atang, ishin inje mbug tsoye atang rukwer ikub inje na utense.

Matiyu 12:25

Ama Yesu nung tag pu wu ira ti kab-ba. Awu ri te ba baa, “Asiti ande ti ta imbyi ukwe a kata ifaen, uten wu u tsi-wu be. Ko uten ko kusog unde a katsen, uten wu ko kusog wu u tsi-wu tsi be.

Luka 12:20

Ama, Rimam ri te wu baa, ‘Afu unde ti kuskwab! Ame ku sha unyang-fu ureb ne, ama iken yi ti afu tom tsika ijwe-fu, aye ti u ci yi?’ ”

Ititatso 7:1

Isim ayine ame sae atom Rimam ka inje, tsi ukub inje na utense, u ye ufunn ti ruye ukub inje na utense yine tsi ting, ti ayi ā kae fa-yi utense ko uyinn ko ituku be.