Daniyel 11:36 - Kutsingken Ira Rimam ti Saen Kyag

³⁶ “Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 11:36 Iomraidhean Croise

Daniyel 11:16

Amaa, ukwe ti kujwo isku u nde iken ti nyang uwae-wu, unde iki ta-wu ti u nde tu te wu be. Awu u tsi uwae uten wu ti site riyinn, ama u site kpakang ti wu u twenji uten wu.

Daniyel 11:3

Tiri ukwe iki ti kpag timambe u nwunn ama kujwokwe wu u ko timambe. Awu u nde iken ti nyang uwae-wu.

Daniyel 11:37

Awu u saeru imbacwu apxin abitse-wu, kwer ti ayi ti anda ku fen meme. Awu u sa uwae tsi-wu risu-yi be, ikyaen ti, awu u sae ijwe-wu pangma awu na skeb tag pu wu ayi.

Daniyel 12:7

Ama ame fxen unde ti sī kutupwa ti tsen wu pu meme ajwo-wu tso apupwen u ben Rimam ti tsi kukunn baa, ayi na u nde ka asang ita ti ripye. Iken yi u kumunn kiye ti rikaen ti a ku nde ande ti sisaen a ta-yi cwucwo be.

Daniyel 2:47

Ukwe ri te Daniyel baa, “Kubenti, Rimam-fu skeb pu wu apxin, u si Itsekuru ana abikwe. Awu ti ku tatso ande iken ti kitam ikyaen ti, afu fxir tu pu fu imbyi kurwa yine.”

Daniyel 4:35

Meme ande utense si-ba iken iki uwog-wu be. Awu ku nde iken ti awu ku sha kutampwa atom ti apupwen, ti kutampwa ande ti ta uwae utense ike. Unde iki ta-wu ti u tso wu kujwo unju be, ko ti awu u rang wu baa, “Imi ti afu nde ne?”

Daniyel 5:19

Ikyaen rurob ti Rimam nda wu, meme ande, ti ambukwen ande, ti unju uten uten ku kyen ikyenricwu-wu. Awu ku wen unde ti awu ku sha, ku ya unde ti awu ku sha ti wu na tsi user ta ti unyang. Awu ku ye tso unde ti awu ku sha, u ku ko si unde ti awu ku sha ama.

Daniyel 5:20

Amaa, kiye ti ijwe ti ndub sang ba yirkyi utob-wu, a waen wu ukwe, awu si-wu te riyinn cwucwo be.

Daniyel 7:8

“Ti ame ku kab ira risu ishin yi, ti m nunung ishin tikiyib iki mbug tsoye kutampwa-yi. Isim-yi, a sub ishin ita uwae-yi tsoye ti ipab-yi. Ishin tikiyib wune site ayib pangma ayib unde, ti unju ti ku ri ira uwae ijwe ti ndub.

Daniyel 8:19

Awu ri baa, “Ame u ri te fu iken ti u ba nde uwe ike kiye rinae Rimam, ikyaen ti, kurwa yi ku ri ira risu kiye ti a sa tsi ti ricwunnkyi.

Daniyel 8:4

Ame sae Iwentam wu ku ca pu iken ti ta uwe usir ti ureb, ti uwe ti isku, ti uwe ti isi. Ibye anyi iki ta-wu ti tsi tu te wu be, unde iki ama ta-wu ti u nwangru tu kujwo-wu be. Awu nde iken ti nyang uwae-wu u yetso ijwe-wu.

Yohana 5:30

“Ame u nde fob-m iken iki ti risu-m amam be, se ti kuko na Rimam ti tom m ru ba. Ikyaen yine rikwen ti ame ku pwen si kubenti, ikyaen ti, ame ku kwab-m ti m na u nde iken ti m na sha amam be, ame ku nde iken ti Rimam ti tom me tom ku sha.”

Yohana 6:38

Ame si apupwen ba ikyaen ti m na u nde iken ti awu ti tom m tom ku sha, i si-yi ti m na u nde iken ti utob-m ku sha be.

Wande Atom 4:28

Iken ti ande bane nde te Yesu ne, si sí ayi ti afu sa tsi uwae kuko-fu ti kucang baa, ayi na u nde.

2 Tesalonika 2:3

Ni cwe-ni ti unde iki ā kyaefa ni be, ko ti fengo ti rimang. Ikyaen ti, ani u nung-ni itiba na usir wu be, se iken ti ande yang akwen u kpag risu te Rimam titawe. Cwucwo, awu unde ti sae ru icwe, awu ti a ye tsika iyen ikyaen urwa ti tsi kukunn, awu u tso risu-wu titawe.

2 Tesalonika 2:4

Awu u nwunn, u ndub ijwe, u ta rika te iken meme ti ande ku fen yi, ti iken meme ti ande sa tsi uwe-ba baa, ayi na si Rimam-ba. Awu u ru ka sang kusog Rimam tiyang u som u kunn ijwe-wu baa, awu ti na si Rimam.

2 Tesalonika 2:8

Isim ayine, ande u nung wu, ama Itsekuru-ti Yesu a ru ba, awu u twenji-wu. Awu u jwu wen wu ti unyang ti unju-wu.

Ititatso 10:7

Amaa, kiye ti atom ti itsongfaen a kunn kutumu-wu, ira ti titam na Rimam u mbubta, pangma ti awu tsag te apyi-wu ti ku ya iskin ira-wu kute.

Ititatso 12:14

Ama a nda unda wu asae ifaen na isig tiyang, ti wu na pinn ru yi kutur, uwog ti usang wu u ka tu-wu atang be, asang ita ti ripye.

Ititatso 13:1

Isim ayine, ame sae ibye titibi iki tsoye uwae uyinn ba. Awu site ishin rijwe, risu-wu ama si itsongfaen, u site ubur ukwe rijwe risu ishin-wu ayine. Meme risu-wu ayine site rinyi ti ku txun mbeb Rimam.

Ititatso 17:17

Rimam sa yi si ba utob ti a na nde iken ti awu ku sha, u ren risu-ba, u sa kuko-ba ana ukwe na ibye titibi wune, se kiye ti ira Rimam a kumunn pu yi.

Ititatso 17:3

Ama uwae Kusung, a ye ra m ru yi kutur khika. Ama ame ka nung unda iki somtsa risu ibye tibyaen iki ti patag ijwe-wu kum asu ti a ku txumbeb Rimam. Ibye wu site risu itsongfaen, ishin-wu ama si rijwe.