Daniyel 11:35 - Kutsingken Ira Rimam ti Saen Kyag

³⁵ Ama ariki uwae ande ti ben ayib ba u jwunnsi, ikyaen ti aba u sisaen u shanum ti riraen ka sang ti usir ti ricwunnkyi, ikyaen ti, ayi si-yi kiye ti a sa tsi khika be.

Daniyel 11:35 Iomraidhean Croise

Daniyel 11:27

Ama ana abikwe ifaen bane, utob-ba u munn te ira ti kab titibi. Aba u yer rifen tetso, amaa, ayi u nde-yi be, ikyaen ti, kiye ti a sa tsi ikyaen itiricwunnkyi-ba ba-yi khika be.

Daniyel 11:29

“Kiye u ba ti awu u kafe ru yi kujwo isi, amaa, uwae kiye wu, ayi u si-yi pangma ti kucang uwog-wu be.

Daniyel 11:33

“Ama ande ti ben ayib uwae-ba u mbubta na ande yang-ba ayib. Amaa, uwae kiye pang, a u yerwen ariki uwae-ba, u twen mbub ariki, u ye ariki ru apyi, u kwae pu rifunn-ba ru.

Daniyel 11:40

“Ricwunnkyi-yi ukwe ti kujwo isi u ba kúnn wu te rika. Amaa, ukwe ti isku u tsotsa wu ti ribom pangma kutikyib, te kuskus ti kya fa kakum, ti ande ti ku tso kakum, ti ayae ti uwae ambyi, awu u ba sang uten uten u ci ba rika ama yafe ru.

Daniyel 12:3

Ande ti ben ayib u jae pangma apwa apupwen. Ande ti pu ande yang-ba ru ba fengo ti kubenti ama u jae pangma aswer ru fife yi uwe.

Daniyel 12:4

Amaa, afu Daniyel, ye su ira yine cwucwe uwae utob-fu, ti fu burkyi kutsingken wu se kiye ti ricwunnkyi a ba pu wu. Kiye wu, ande yang-ba akwen u ter tsutso ter sisi, ku sha ti itinungye-ba a ko fufa.”

Daniyel 8:10

Ishin wu ser, ama kpakang-wu tso ka ti akyirten ti apupwen. Awu rug pu ariki uwae-ba si riben, fa ti ariki uwae aswer ti apupwen.

Daniyel 8:17

Ama Jibirilu wu ko ba fer m yi uwog ti ame tsi atang. Kiye ti awu ko ba, ikyenricwu ye m, ama ame sī ka nae u sa uwe-m bur riben. Amaa, awu ri te m baa, “Unde! Nungye baa, kurwa yi ku ri ira risu kiye ti ricwunnkyi.”

Daniyel 8:19

Awu ri baa, “Ame u ri te fu iken ti u ba nde uwe ike kiye rinae Rimam, ikyaen ti, kurwa yi ku ri ira risu kiye ti a sa tsi ti ricwunnkyi.

Daniyel 9:27

Awu u yer unju ti kpakang te ande yang-ba uwae kutsáb kinjo, ama uwae kapam kutsáb wu, awu u byangkyi iken ti a ku yerwen na Rimam, ti rinyangwae ti a ku pu ba na Rimam. Awu u sa iken ti ku txiyib tsi uwae Ukag ti sisaen, ama u nda Ukag ti sisaen wu kú ukaen, se ti ricwunnkyi ti a sa tsi, a ba kumunn pu yi risu unde wune ti ku nda uten kú ukaen.”

Matiyu 16:17

Yesu ri te wu baa, “Siman umbae Yohana, itinyang si ana-fu, ikyaen ti, ayi si-yi unde iki ti tatso fu ira yine be, ayi ruye uwog Itse-m ti ta apupwen.

Matiyu 26:56

Amaa, yaka ne, iken yine ku nde ikyaen ti, Rimam ri ira yi ti kute unju na ande ti ku ya iskin ira-wu.” Ti awu ri ira yine atugbug-wu meme-ba ter shag byinn tag u ya wu ta kum awu kinjo-wu amam.

Yohana 15:2

Kujwo kutuku ti a ku waen-wu awaen be, Itse-m u pyera wu ruru. Ama awu ku kyaenyang ajwo ti ku waen awaen ti yi na waen awaen kora fa.

Yohana 20:25

Ikyaen yine aba ri te wu baa, “Ati nung pu ti Itsekuru ti ayib!” Toma ri te ba baa, “Se iken ti ame a sae pu m nyiyinn ribang ana kusa ajwo-wu u sa kujwo-m tekunn uwog wu, u sa kujwo tekunn kyi ribang ishi-wu titawe ame u ru uwae kinjo.”

Wande Atom 13:13

Bulus ti arwan-wu nwunn ya uten Pafos ta u sang kuyae ba uten Perga ti ta uten ti Pamfiliya, ama Yohana Markus ya ba ta ti Pafos u kafe ru-wu iken-wu ti Urushelima.

Yakubu 1:2

Ameinja, asiti rikaen ti tsotso a tu ni, ni tsen utob!

Ititatso 14:15

Tiri atom iki ruye kusog Rimam, u ri ira ti ribom te unde wu ti som tsa kubyi wune baa, “Sa kisim ti wuwob-fu ka bunn wuci, ikyaen ti, kiye wuci ti bunn nde pu yi. Utense ben tag pu wu ti ti bunn.”

Ititatso 17:17

Rimam sa yi si ba utob ti a na nde iken ti awu ku sha, u ren risu-ba, u sa kuko-ba ana ukwe na ibye titibi wune, se kiye ti ira Rimam a kumunn pu yi.

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.