Daniyel 11:33 - Kutsingken Ira Rimam ti Saen Kyag

³³ “Ama ande ti ben ayib uwae-ba u mbubta na ande yang-ba ayib. Amaa, uwae kiye pang, a u yerwen ariki uwae-ba, u twen mbub ariki, u ye ariki ru apyi, u kwae pu rifunn-ba ru.

Daniyel 11:33 Iomraidhean Croise

Daniyel 12:10

Ande yang-ba u som sisaen u site-ba ajib iki be, u kyaenyang ijwe-ba nyinyang. Amaa ande titibi u tsi kukunn te itibi ti ti nde. Ko unde iki uwae-ba u si-wu te itinungye be, amaa, ande ti ben ayib u site itinungye.

Matiyu 10:21

“Ande u ye ameinja-ba na ande ti a na pu ru ka wen. Abitse u nde ahan te anyisu-ba ama. Anyisu u ta rika te abitse-ba ti abiya-ba u pu ba yerwen.

Matiyu 13:11

Awu ri te ba baa, “Ana-ni, a nda pu ba ani ti ni na nungye ira ti kitam na Kujwokwe Rimam ti apupwen. Amaa, uwog-ba, a nda-ba aba rinda wune be.

Matiyu 20:23

Awu ri te ba baa, “Een, ani u ngwa rikaen-m ayi ara. Amaa ame site-m kuko ti m u tsab ande ti u som kujwo rici ko kujwo ife-m be. Ayi si ana Itse-m Rimam ti awu u tsab ande ba ti u som uwog yine.”

Matiyu 24:9

“Isim ayine, ande u ye ni u nde ni rikaen u wen ni. Ande ti utense meme u sae ni ayib urwa ikyaen rinyi-m.

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Yohana 16:2

Aba u jae ni ruye uwae kusog Rimam-ba. Kubenti, kiye u ba ti unde u wen ni, u kab utob-wu baa, awu na ku nde iken ti Rimam na ku sha.

Wande Atom 11:26

Ti awu ka tu wu, awu pu wu ba Antiyok. Uwae kusang kinjo, aba som te ande na Yesu ti Antiyok, ku kwen na ande yang-ba ira Rimam. I si uwae uten ti Antiyok né a bag ku kunn ande na Yesu baa, ande ti Kristi.

Wande Atom 14:21

Bulus ti Barnaba ri Ira Rimam ti Tinyang te ande ti Derbe, ama ira-ba ayi nda ande yang-ba ru kubenti uwog Yesu. Tiri a kafe ba ti uka na Lisitira. A nwunn Lisitira ba Ikoniyum, ba ru fe yi Antiyok na Pisidiya.

1 Korinti 4:9

Ana-m, iken ti ame nung, ati atom na Yesu, Rimam sa ti tsi iti ricwunnkyi uwae ande-wu. Ati pangma ande ti a pwen ba rikwen iticwu ayib ande meme. Atom na Rimam ti apupwen ti ande ti utense ne meme som ku sae ti.

2 Timoti 1:12

Ayine si iken ti nde nee ame ku ngwa rikaen tine. Amaa, ame ku wae-m rukwae be, ikyaen ti, ame nung pu m unde wu ti ame ku ru kubenti uwog-wu. Ame nung pu m baa, awu na nde tu ti wu nungkyi iken ti ame nda wu kujwo ru ka fob ti Usir ti ricwunnkyi.

2 Timoti 4:6

Ayi a si ti ana-m, kiye fer mam pu yi ti a u sa unyang-m ru ye pangma iken ti a ku nda Rimam. Usir ru ku ba ti ame u ya utense wune ta.

Mbaibrane 11:34

Ariki tsi uwae urwa, iken iki nde-yi aba be. Ariki nwangru kujwo ande ti putsa ba ti kisim rika. Ariki ama bom-ba bom be, amaa, yi uwae kinjo, aba kafe ande ti ribom. Aba kafe ukwe rika tiyang u jae akyirten na uten iki ru ka yag byinn.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 17:6

Ame nung unda wu ngwa ku shishaen te anying ande Rimam, ti anying ande ti a wen ba ikyaen ira Yesu. Kiye ti ame sae wu, tiyinn si m ijwe wabibi.

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 6:9

Ama ti Mbae utam wu mbubta kupwa ti a fxeb ti fa ti itsong, ame sae kuta itifen Rimam tsi, ama imbyi-yi, ame nung unyang ande ti a wen ba ikyaen ira Rimam, ti ira risu Rimam ti a ri.

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.