Daniyel 11:3 - Kutsingken Ira Rimam ti Saen Kyag

³ Tiri ukwe iki ti kpag timambe u nwunn ama kujwokwe wu u ko timambe. Awu u nde iken ti nyang uwae-wu.

Daniyel 11:3 Iomraidhean Croise

Daniyel 11:16

Amaa, ukwe ti kujwo isku u nde iken ti nyang uwae-wu, unde iki ta-wu ti u nde tu te wu be. Awu u tsi uwae uten wu ti site riyinn, ama u site kpakang ti wu u twenji uten wu.

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 4:35

Meme ande utense si-ba iken iki uwog-wu be. Awu ku nde iken ti awu ku sha kutampwa atom ti apupwen, ti kutampwa ande ti ta uwae utense ike. Unde iki ta-wu ti u tso wu kujwo unju be, ko ti awu u rang wu baa, “Imi ti afu nde ne?”

Daniyel 5:19

Ikyaen rurob ti Rimam nda wu, meme ande, ti ambukwen ande, ti unju uten uten ku kyen ikyenricwu-wu. Awu ku wen unde ti awu ku sha, ku ya unde ti awu ku sha ti wu na tsi user ta ti unyang. Awu ku ye tso unde ti awu ku sha, u ku ko si unde ti awu ku sha ama.

Daniyel 7:6

“Isim ayine, ame sae kyi ibye iki tsoye ti ru icwu u site asae inje isim-wu pangma asae kunung, ama si te risu inje. Ama a nda wu kuko risu iken meme.

Daniyel 8:21

Iwenten tishir wu ama si ukwe uten ti Grisi. Ishin ti tso ikub uwe-wu pupam né si ukwe ti tawe.

Afisa 1:11

I si ikyaen na Kristi ti Rimam tsab ti tsi ti ti na ci rifunn-wu. Ayine si kumyae na Rimam, awu ti ku nda iken meme kyang ikyin pangma ira ti awu myae tsi.

Mbaibrane 2:4

Rimam ti risu-wu munn isim-yi uwae wande ti ku fur ayib ti tsotso ti awu nde, ti uwae rinyangwae ti Kusung ti Saen Kyag pu ka na ande-wu pang ti iken ti awu ku sha.

Yakubu 1:18

Ayi si utob-wu Rimam nee awu pu ni súnn utense yi fengo ira-wu ti kubenti, ikyaen ti ti na ta uwe meme iken ti tsitsi ti awu mam.