Daniyel 11:23 - Kutsingken Ira Rimam ti Saen Kyag

²³ Ama awu u kyaefa uten ba iki u nda ba a u yer unju te wu. Awu u kpag fufa ko ti awu u site nyang ande pang amam.

Daniyel 11:23 Iomraidhean Croise

Kucangtsi 34:13

Ama anyisu Yakubu cwe na Shekem ti itse-wu Hamor uwae kukyaefa, ikyaen ti, Shekem ye Dina ndembeb pu wu.

Daniyel 11:22

A u wen tag akyirten ti tsi ukub te wu, kwer ti unde ti uwe ti ye su unju ti yer Rimam.

Daniyel 11:24

Awu u ri-wu ri be u pu rika ba sang uwae uten ti site rifunn siskeb, ama u nde iken ti abitse-wu ti abitse na abitse-wu, nde ji-ba be. Awu u pu isu ti awu kwae pu uwog rika, ti isu ti awu fxaembe uwog ande ka u ka na ande ti putsa wu. Awu u myae ira titibi risu uten ti a mbye pakob wu te kupwe ti ribom, amaa, ira-wu ayi u ko ka-yi uwe be.

Daniyel 8:24

Awu u si ukwe ti kpag timambe, amaa, ayi u si-yi kpakang-wu be. Awu u ndembeb iken timambe ama u tu itiru yi uwe yi meme iken ti awu ku nde. Awu u wenji yangkam ti ande ti saen kyag.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

Roma 1:29

Aba munn te ikentitibi ti ira ti kab titibi ti tsotso, ti ayib ti taen. Aba ku sa ande khika, u ku tsinn kitsinn, u ku wen ande, u ku byinn kutxu, u ku kyaefa atso. Aba ku kab nyáng ira titibi risu ande u ku tsag kitsag

2 Korinti 11:3

Ame ku si anying utob baa, ko iki be, unde iki u sa ni kafe ti isim uwae fengo Rimam, u nda ni ya ure ti ani site ikyaen Kristi ta u putsa-ni awu ti utob kinjo cwucwo be, pangma ti awu ikentibi ru itsab u kyaefa Awa.

2 Tesalonika 2:9

Awu Unde Titibi wune, awu u ba ti kuko na Shetann u nde iken ti ku fur ayib ti tsotso ti wu u kyaefa ande.