Daniyel 11:16 - Kutsingken Ira Rimam ti Saen Kyag

¹⁶ Amaa, ukwe ti kujwo isku u nde iken ti nyang uwae-wu, unde iki ta-wu ti u nde tu te wu be. Awu u tsi uwae uten wu ti site riyinn, ama u site kpakang ti wu u twenji uten wu.

Daniyel 11:16 Iomraidhean Croise

Daniyel 11:3

Tiri ukwe iki ti kpag timambe u nwunn ama kujwokwe wu u ko timambe. Awu u nde iken ti nyang uwae-wu.

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 11:41

Awu u sang uten unju ti yer wu, u ka wen ande kumbub rijwe, amaa, ande ti Edom, ti ande ti Mowab, ti ariki uwae ande ti Amon u ter nwang kujwo-wu.

Daniyel 11:45

Ama awu u sim afug rika-wu kutampwa uyinn ti rikwen ti sisaen. Amaa, awu u cwuji, unde iki u ta-wu ti u ndeya wu be.

Daniyel 5:19

Ikyaen rurob ti Rimam nda wu, meme ande, ti ambukwen ande, ti unju uten uten ku kyen ikyenricwu-wu. Awu ku wen unde ti awu ku sha, ku ya unde ti awu ku sha ti wu na tsi user ta ti unyang. Awu ku ye tso unde ti awu ku sha, u ku ko si unde ti awu ku sha ama.

Daniyel 8:4

Ame sae Iwentam wu ku ca pu iken ti ta uwe usir ti ureb, ti uwe ti isku, ti uwe ti isi. Ibye anyi iki ta-wu ti tsi tu te wu be, unde iki ama ta-wu ti u nwangru tu kujwo-wu be. Awu nde iken ti nyang uwae-wu u yetso ijwe-wu.

Daniyel 8:7

Ame sae awu ba fer Iwentam wu uwae rinae u ca wu ishin, u ca mber wu ishin-wu meme ifaen-yi. Iwentam wu kpag-wu ti wu tsi tu te Iwenten wu be. Awu ceb pu wu si riben u ceb wu te afxen, ama unde iki nwangru tu-wu Iwentam wu kujwo Iwenten wu be.

Daniyel 8:9

Ishin ti kiyib iki mbug tsoye ijwe ishin kinjo uwae ishin inje yi ne, u ser tso u kpag timambe yi uwe ti ta ru iyen ti isi, ti uwe ti ru usir ti kiskinn, ti uwe ti ru yi riben ti site riyinn timambe.