Daniyel 11:15 - Kutsingken Ira Rimam ti Saen Kyag

¹⁵ Tiri ukwe ti kujwo isku u pu akyirten ba kwae isa byir ti yi ndeya ba ti a u tso ukoh ukwe ti kujwo isi, ti a u tā rika, ama u ci mbe ra uten wu. Uwae kiye wu akyirten ukwe ti kujwo isi wu u tsi tu-ba be, ko itaen ti awu tsitsab, ikyaen ti, a u site-ba ribom ti a u tsi tu be.

Daniyel 11:15 Iomraidhean Croise

Daniyel 11:14

“Uwae kiye wu, ande yang-ba akwen u nwunn u kafe isim ta ukwe ti kujwo isi. Uwae ande ti uten-fu ama, arom arom u nwunn putsa ba ikyaen ti ayi ā kumunn ira ti kitam ti a sae, amaa, a u ci-ba rika be.

Daniyel 11:6

Isim asang iki, ukwe ti kujwo isi ti ukwe ti kujwo isku u si unju tetso. Awu ukwe ti kujwo isi wu u pu umbae-wu ti unda baen ukwe ti kujwo isku ikyaen ti unju-ba na ru uwog kinjo. Amaa, unda wu ti itse-wu meme u si-ba te kpakang uwe ukwe ti isku be, amaa, a u wen wu, ti anyisu ti som te wu, ti umbae-wu, ti ubaen-wu uwae kiye wu.

Daniyel 8:7

Ame sae awu ba fer Iwentam wu uwae rinae u ca wu ishin, u ca mber wu ishin-wu meme ifaen-yi. Iwentam wu kpag-wu ti wu tsi tu te Iwenten wu be. Awu ceb pu wu si riben u ceb wu te afxen, ama unde iki nwangru tu-wu Iwentam wu kujwo Iwenten wu be.