Daniyel 10:21 - Kutsingken Ira Rimam ti Saen Kyag

²¹ Amaa, ame u ri te fu ira ti a bae uwae kutsingken ti kubenti. Unde iki ta-wu ti u ndeya m be, si nyang Mikayel atom ti ku nungkyi anyisu Isirela amam.

Daniyel 10:21 Iomraidhean Croise

Daniyel 10:13

Kiye ti ame si ku ba, ukwe na kujwokwe Pasiya kwab ukwab te m ka usir rikom asu kinjo, amaa, Mikayel, kinjo uwae atom ti uwe atom ti apupwen si ba ndeya m ikyaen ti, ame amam ti fa abikwe na Pasiya.

Daniyel 12:1

“Kiye wu Mikayel, unde ti uwe atom ti apupwen ti ku nungkyi ande-fu, u nwunn. Ayi u si kiye rikaen tí ngwa, itso rikaen ti tu ji-yi ande ti ti uten wu bag be. Amaa, kiye wu, ande-fu u tu itinwangru, ko aye ti rinyi-wu baesi uwae kutsingken.

Daniyel 12:4

Amaa, afu Daniyel, ye su ira yine cwucwe uwae utob-fu, ti fu burkyi kutsingken wu se kiye ti ricwunnkyi a ba pu wu. Kiye wu, ande yang-ba akwen u ter tsutso ter sisi, ku sha ti itinungye-ba a ko fufa.”

Daniyel 8:26

“Kurwa yi ti a tsag te fu baa a na u byang kyi iken ti twen kiskinn ti ureb si kubenti. Amaa, tam yi tam. Ri-fu ayi te unde iki be, ayi ku tatso ira ti u ba uwe.”

Daniyel 9:22

Awu ri te m baa, “Daniyel, ame si ba ti m nda fu itinungye ana Ira ti kitam.

Daniyel 9:25

“Ame ku sha ti fu na nungye baa, ti kiye ti a nda unju risu itimbye nyang Urushelima kaa sang kiye itiba ukwe iki, unde ti a tsitsab, ayi u ka kutsab itsongfaen. Tiri a u mbye nyang uten wu uwae kutsab mae ita mbe ifaen, u kyaenyang rishin-ba uwae uten wu, ama u mum kukwae tiyang sangkob uten wu, amaa, a u nde yi uwae rikaen.

Amos 3:7

Kubenti, Itsekuru-ti Yaweh ku nde-wu iken iki be se awu a ri te pu wu apyi-wu ti ku ya iskin-wu.

Wande Atom 15:15

Ayine si sí ira ti ande ti ku ya iskin ira Rimam bae uwae kutsingken ti kute baa,

Wande Atom 15:18

Itsekuru-ni Rimam ti ri ira yine. Ame tatso pu m ani ira yine ti kucang akwen.’

Yawuda 1:9

Mikayel ti si ukwe rika atom Rimam ti apupwen ri-wu itso ira yine be, kiye ti awu te Shetann ku txwa rukom Musa. Awu txun-wu Shetann asu be, awu ri nyáng baa, “Rimam ā byinn fu kimbab.”

Ititatso 12:7

Isim ayine, rika pu apupwen! Mikayel te atom ti ta imbyi-wu, ta rika ti usang wune ti afaen ti imbyi-wu.