Daniyel 10:19 - Kutsingken Ira Rimam ti Saen Kyag

¹⁹ Ama awu ri baa, “Afu unde ti Rimam site ure te fu timambe, kyen-fu ikyenricwu be. Kujimshwur ā te fu ta tetso. Tsi ting ting ti fu ye utob.” Ama ti awu ri ira yine te m, ame tu kpakang u ri baa, “Itsekuru-m, ri-fu ira tine ikyaen ti, ame tu pu m kpakang tiri.”

Daniyel 10:19 Iomraidhean Croise

Daniyel 10:18

Tiri atom wu ti ijwe-wu rukwer ijwe unde ne sa kujwo tekunn kyi m ama ame tu kpakang ijwe.

Daniyel 9:23

Ti kiye ti afu bag itijwam-fu ikyaen ayibrisi, Rimam fxen itijwam-fu ayi, ama u tom m ba uwog-fu ikyaen ti, awu site ure te fu timambe. Ikyaen yine, naa atong nyinyang ti fu nungye ititatso ayi.

Yohana 11:3

Aba ambakaya-wu tom atom ru ka uwog Yesu baa, “Itsekuru, urwan-fu nae kicaeb.”

Yohana 11:36

Mbayawuda ti ta atang ri baa, “Ni nung itso ure ti awu ye te Lazaru!”

Yohana 11:5

Ikyaen yine, ko ti Yesu site ure te Marta ti kaya-wu ti Lazaru meme,

Yohana 14:27

“Tine, ame ku nda ni kujimshwur. Itso kujimshwur wune si-yi pangma ana utense be. Ikyaen na yine, ni yer-ni anying utob be, ni kyen-ni ikyenricwu be.

Yohana 16:33

Ame ri ira yine te ni ikyaen ti uwae ijwe ti ren ti ani ren te m, ani u tu utob ti nae riben uwog-m. Utense u nda ni rikaen. Amaa ni tsi ti ribom utob. Ame ci pu m rika risu utense wune.”

Yohana 19:26

Yesu nung iya-wu tsi atang, ti kinjo uwae atugbug-wu – awu ti Yesu cwe ira-wu timambe. Yesu ri te iya-wu baa, “Iya, nung umbae-fu ta re.”

Yohana 21:20

Bitrus kafe uwe u sae unde na Yesu iki tsi atang, awu si unde wu ti Yesu site ure te wu timambe, awu unde ti ko fer Yesu kiye ti aba ku ci wuci nee awu rang Yesu baa, aye ti na u ye wu jabci bara.

1 Korinti 16:13

Ni som ti ujwin, ni tsi kunn ku ru kubenti uwae ira na Itsekuru-ti. Ni kyen-ni ikyenricwu be, ni tsi ti ribom.

2 Korinti 12:9

Ama awu ri te m baa, “Rinyangwae-m pang pu yi afu, ikyaen ti, ame ku tso kuko-m siskeb kiye ti afu site-fu ti ribom be.” Ikyaen yine ame u ru yi uwe u ndub ijwe risu iken ti ku tso baa, ame na bom-m be. Ame u nde yi te utob ti tsen ikyaen ti kuko na Kristi ā si ba risu-m.

Afisa 6:10

Ira-m ti ricwunnkyi si ti ani na tsi ting ting yi fengo na Itsekuru-ti. Ni tsi ti kpakang ti ku ru uwog-wu ba.

2 Timoti 2:1

Ana-fu, uyin-m Timoti, tsi ti ribom uwae rinyangwae na Rimam ti si ana-ti ande ti ren risu ti Yesu Kristi.

Ititatso 1:17

Kiye ti ame sae wu, ame jwunnsi uwe-wu mbyog, pangma rukom. Awu sa kujwo rici-wu naetsa m, u ri te m baa, “Kyen-fu ikyenricwu be. Ame ti si itikucang, u si itiricwunnkyi,