Daniyel 10:16 - Kutsingken Ira Rimam ti Saen Kyag

¹⁶ Ti ame u nunung, atom iki ti ru unde, sa kujwo tekunn apwa unju-m, ama ame mbub unju u sang ira ti ti ri, u ri te unde ti tsi uwe-m baa, “Itsekuru-m, ira ti kitam yine, caeb m ijwe u nda ijwe-m nam tur.

Daniyel 10:16 Iomraidhean Croise

Itiruye 4:10

Ama Musa ri te Yaweh baa, “Itsekuru-m, ame si unde ti rib unju, ku ri tu-m ira nyinyang be. Ti kiye ti afu ku ri ira te m ba ku sang tine, ame ku ri tu-m ira nyinyang be.”

Itiruye 4:13

Amaa Musa ri baa, “Ame ku jwam fu, Itsekuru-m, tom-fu unde iki atang.”

Daniyel 12:8

Ame fxen ira yine ama nungye-m imbyi-yi be. Tiri ame rang baa, “Itsekuru-m, ricwunnkyi iken yine u ba si rimang?”

Daniyel 4:19

Tiri Daniyel, ti rinyi-wu iki si Beteshazar, kùnn unyang, ama ira ti kab-wu nda wu ikyenricwu. Ama ukwe ri te wu baa, “Beteshazar, kurwa yi ko imbyi-yi ā kùnn-yi afu unyang be.” Amaa, Beteshazar wu cwe baa, “Itsekuru-m, kurwa yi ā tso risu ande ti tsi ukub te fu, imbyi-yi ama ā tso risu ande rika-fu.

Daniyel 7:15

“Kurwa ti ame Daniyel sunn ye m ikyenricwu u nda utob-m nae-wu riben be.

Daniyel 7:28

“Nee uwog ti kurwa-m ayi tsikunn atang. Yi uwog ti ana-m Daniyel, ira ti kab-m nda m ikyenricwu timambe, kutxuwe-m yirkyi, amaa, ame sa ira yi tsi ti utob-m.”

Daniyel 8:15

Ti ame Daniyel ku kwab ti m na u nung imbyi kurwa yi, ama ti m nunung, iken iki tsi uwe-m pangma unde.

Daniyel 8:17

Ama Jibirilu wu ko ba fer m yi uwog ti ame tsi atang. Kiye ti awu ko ba, ikyenricwu ye m, ama ame sī ka nae u sa uwe-m bur riben. Amaa, awu ri te m baa, “Unde! Nungye baa, kurwa yi ku ri ira risu kiye ti ricwunnkyi.”

Daniyel 8:18

Ama kiye ti awu ri tag pu wu ira te m, ame si kicwag burrr ti uwe-m bur riben atang. Amaa, awu tekunn m, u ye m nwunn ritsen.

Daniyel 8:27

Ama ijwe-m Daniyel namtur, ame nae kicaeb ka usir ba iki. Isim-yi ti ame nwunn kicaeb yi, ame kafe ru ti unju wande-m yi fenkyi ukwe. Amaa, kurwa yi fur m ayib ikyaen ti, ame nung-m imbyi-yi be.

Daniyel 9:21

Jibirilu, unde ti ame sae pu m awu pu pu uwae kurwa kucang, pinn ba tu m kiye iken ti twen ti ureb.

Luka 1:64

Ti ritsen unju Zakariya mbubta, awu ku ri ira ku teb nyang rinyi Rimam.

Luka 21:15

ikyaen ti, ame u sha na ni itinyang ti ben-ayib, ikyaen ti ko kinjo rikaen uwae ande ti rika-ni u tsi tu-wu uwe-ni ti wu u ci rika risu-ni be.

Yohana 20:28

Toma ri te wu baa, “Afu si Itsekuru-m! Afu si Rimam-m!”

Ititatso 1:13

Kutampwa iken itsongfaen ti fitila ku tsitsa atang yine, iken iki tsi atang ti ru umbae unde. Awu si arun ti riwae. Kutupwa ti a kyae wu te zinariya yir sang kikog-wu.