Daniyel 10:12 - Kutsingken Ira Rimam ti Saen Kyag

¹² Tiri awu ri te m baa, “Kyen-fu ikyenricwu be, Daniyel. Ikyaen ti, ti usir titawe ti afu sa uwae tsi, u sha itinungye, u nae risu riben uwe Rimam-fu, Rimam fxen pu wu itijwam-fu, ama ame si ba ikyaen ira-fu ayi.

Daniyel 10:12 Iomraidhean Croise

Daniyel 10:11

Ama awu ri te m baa, “Daniyel, afu unde ti a site ure te fu timambe, fxen ira yi ti a tom m ba ku ri te fu ne nyinyang, ti fu nwunn ritsen.” Kiye ti awu mam pu wu ira yine te m, ame nwunn ritsen ti ijwe ti fwer.

Daniyel 10:19

Ama awu ri baa, “Afu unde ti Rimam site ure te fu timambe, kyen-fu ikyenricwu be. Kujimshwur ā te fu ta tetso. Tsi ting ting ti fu ye utob.” Ama ti awu ri ira yine te m, ame tu kpakang u ri baa, “Itsekuru-m, ri-fu ira tine ikyaen ti, ame tu pu m kpakang tiri.”

Matiyu 28:10

Yesu ri te ba baa, “Ni kyen-ni ikyenricwu be. Ni ru ti ni ka ri te ameinja-m baa, aba na ru yi uten ti Galili. Aba na u tu m atang.”

Matiyu 28:5

Ama atom wune ri ira te anda abane baa, “Ni kyen-ni ikyenricwu be, ikyaen ti, ame nung pu m, ani ba ti ni ku sha Yesu ti a kwer wu risu kutuku ti cice.

Markus 16:6

Utaen unde wu ri te ba baa, “Ni kyen-ni ikyenricwu be! Ame nung pu m ti ani ku sha Yesu unde ti Nazareti ti a kwer wu kutuku ti cice ne. Awu nwunn pu wu ti unyang. Awu ta-wu ike be. Nung! Uwog ti a sa rukom-wu nae atang ta ri!

Luka 1:13

Ama atom wu ri te wu baa, “Zakariya, kyen-fu ikyenricwu be, ikyaen ti, a fxen pu ba ira ti jwam-fu. Uwa-fu Elizabet u mbae na fu umbae ti urom. Afu u fwa rinyi-wu baa, Yohana.

Luka 1:30

Atom wu ri te wu baa, “Kyen-fu ikyenricwu be, Mberimu, ikyaen ti, afu tu pu fu risu ti tinyang uwe Rimam.

Luka 2:10

Atom Rimam ri te ba baa, “Ni kyen-ni ikyenricwu be, ikyaen ti, ayi si ira ti tinyang ti ame sa ba ku na ni roo! Ayi si ira ti u nda ande meme patag tsen utob.

Luka 24:38

Amaa awu ri te ba baa, “Ani kyang rimang u ku kyen ikyenricwu? Imi ti nde ti ani ku kab uwae?

Wande Atom 27:24

Awu ri te m baa, ‘Bulus, kyen-fu ikyenricwu be. Afu ka u tsi kang uwe Kaisar. Ikyaen-fu, Rimam u nwangru ande ti ta te fu uwae kuyae wune.’

Ititatso 1:17

Kiye ti ame sae wu, ame jwunnsi uwe-wu mbyog, pangma rukom. Awu sa kujwo rici-wu naetsa m, u ri te m baa, “Kyen-fu ikyenricwu be. Ame ti si itikucang, u si itiricwunnkyi,