Daniyel 10:1 - Kutsingken Ira Rimam ti Saen Kyag

¹ Uwae kusang ti ita ti Saerus nae ukwe risu uten ti Pasiya, Daniyel ti rinyi wu iki si Beteshazar, kutsa ti kitam ru ba sang Daniyel utob. Awu nungye baa, ira ti kitam yi na ta risu iken ti u ba nde kang uwe ike. Ayi na u si kye na rika, ama rikaen ti beb timambe u pu uten.

Daniyel 10:1 Iomraidhean Croise

Kucangtsi 41:32

Iken ti nde Ukwe sunn kurwa atsepu ifaen si ikyaen ti Rimam sa tsi pu wu ti wu u nde kang iken ayine. Ayi u tsi-yi tsi be u nde.

Daniyel 1:17

Ana anyisu itaen inje bane, Rimam nda ba itsab ti iyi iken ti bae, ti itinungye ana iken meme. Ama Daniyel site itinungye imbyi kurwa ti iken ti Rimam ku tatso yi fengo txi txi txi.

Daniyel 1:21

Ama Daniyel som atang ba sang ti kusang ti tawe ti Saerus nae ukwe.

Daniyel 1:7

Unde wu ti ta risu ande ti ku nde wande te ukwe fwa ba rinyi tishe. Awu fwa Daniyel baa, Beteshazar, u fwa Hananiya baa, Shadirag, u fwa Mishayel baa, Meshag, ama fwa yaen Azariya baa, Abenego.

Daniyel 10:14

Ame si ba ti m nda fu itinungye ira ti u ba tu ande-fu uwe ike, ikyaen ti, ira ti kitam yine ku tso ira ti u ba nde uwe ike.”

Daniyel 11:2

“Tine ame u ri te fu kubenti. Nung! Abikwe ita u nwunn uwae Pasiya ama ukwe ti inje u ba nwunn u site rifunn skeb tag abikwe bane meme. Ama kiye ti awu a kafe pu wu ukwe ti kpag timambe ikyaen rifunn-wu yine, awu u nda ande meme tā rika te kujwokwe ana Grisi.

Daniyel 12:4

Amaa, afu Daniyel, ye su ira yine cwucwe uwae utob-fu, ti fu burkyi kutsingken wu se kiye ti ricwunnkyi a ba pu wu. Kiye wu, ande yang-ba akwen u ter tsutso ter sisi, ku sha ti itinungye-ba a ko fufa.”

Daniyel 12:9

Awu ri baa, “Ru-fu iken-fu Daniyel, ikyaen ti, ira yine tam-yi tam se usir ti ricwunnkyi.

Daniyel 2:21

Awu ti ku nda ushaen fam ti ushaensen. Awu ti ku waen ariki ukwe ama ku nae ariki ukwe. Awu ti ku nda itaen ti ben ayib itsab-ba, ama ku nda itaen ti iyi itinungye-ba.

Daniyel 4:8

Isim-yi, Daniyel, ti ame fwa wu rinyi baa Beteshazar, rinyi apxin-m, awu ti site kusung apxin ti sisaen, sang ba, ama ame tsag kurwa yi te wu.

Daniyel 5:12

Awu site kusung iki ti nyang timambe, ti itinungye, ti itsab ti ku ri tu imbyi kurwa, ti ira ti rang ti rimang meme. Ande ku tu imbyi ira-ba uwog Daniyel wune ti ukwe fwa wu rinyi baa, Beteshazar. Kunn wu ba, awu u ri te fu imbyi ira yi.”

Daniyel 5:17

Daniyel ri te ukwe baa, “Ame ku sha-m rinyangwae-fu be. Pu yi na-fu unde iki. Amaa, ame u nung putsa ira yi ti a bae ne na fu ukwe, u ri te fu imbyi-yi.

Daniyel 6:28

Ama Daniyel tu risu ti tinyang uwe ukwe Dariyusi ba sang ti kiye ukwe Saerus na Pasiya.

Daniyel 8:16

Ama ame fxen afxenjwin yi unju uyinn Ulayi baa, “Jibirilu, tsag imbyi kurwa yi te unde wune.”

Daniyel 8:26

“Kurwa yi ti a tsag te fu baa a na u byang kyi iken ti twen kiskinn ti ureb si kubenti. Amaa, tam yi tam. Ri-fu ayi te unde iki be, ayi ku tatso ira ti u ba uwe.”

Luka 1:20

Ira-m ayine u ba nde kang uwe ike, amaa ikyaen ti afu ru-fu kubenti uwae-yi be, afu u tsi kyi unju u ri tu-fu ira be, se usir ti iken yine a ru ba nde pu yi.”

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”