Daniyel 1:7 - Kutsingken Ira Rimam ti Saen Kyag

⁷ Unde wu ti ta risu ande ti ku nde wande te ukwe fwa ba rinyi tishe. Awu fwa Daniyel baa, Beteshazar, u fwa Hananiya baa, Shadirag, u fwa Mishayel baa, Meshag, ama fwa yaen Azariya baa, Abenego.

Daniyel 1:7 Iomraidhean Croise

Kucangtsi 41:45

Ukwe fa Yusufu rinyi baa, Zafenati-Paneya, u pu Asenati, umbae Potifera, kukwen Onn, na Yusufu ti awu na mbe. Ama Yusufu kyang pakob uten Ejib.

Daniyel 1:19

Ama ukwe te ba tsag akaen u nungye baa, umbae iki na ta-wu uwae-ba ti na pangma Daniyel, ti Hananiya, ti Mishayel, ti Azariya be. Ikyaen yine, a pu ba sang wande ti nde yi kusog ukwe.

Daniyel 1:3

Ama ukwe nda unju na Ashipenazi, unde ti ta risu ande ti ku nde wande imbyi ukwe baa, awu na tsab anyisu Isirela iki ruye ishikununn ukwe Yawuda, ti ishikununn ande ti rurob, na ba fenkyi ukwe Babila.

Daniyel 10:1

Uwae kusang ti ita ti Saerus nae ukwe risu uten ti Pasiya, Daniyel ti rinyi wu iki si Beteshazar, kutsa ti kitam ru ba sang Daniyel utob. Awu nungye baa, ira ti kitam yi na ta risu iken ti u ba nde kang uwe ike. Ayi na u si kye na rika, ama rikaen ti beb timambe u pu uten.

Daniyel 2:26

Ama ukwe rang Daniyel, ti a ku kunn wu baa, Beteshazar, baa, “Afu u ri te tu m kurwa ti ame sunn, ti imbyi-yi a.”

Daniyel 2:49

Ama Daniyel jwam ukwe ti awu na pu Shadirag, ti Meshag ti Abenego wande yi uten ti Babila. Amaa, Daniyel ta ti fikyi ukwe.

Daniyel 4:5

Amaa, ame ba sunn kurwa iki ti ye m ikyenricwu. Iken ti ame sae uwae kurwa yi nda utob-m nae-wu riben be.

Daniyel 4:8

Isim-yi, Daniyel, ti ame fwa wu rinyi baa Beteshazar, rinyi apxin-m, awu ti site kusung apxin ti sisaen, sang ba, ama ame tsag kurwa yi te wu.

Daniyel 5:12

Awu site kusung iki ti nyang timambe, ti itinungye, ti itsab ti ku ri tu imbyi kurwa, ti ira ti rang ti rimang meme. Ande ku tu imbyi ira-ba uwog Daniyel wune ti ukwe fwa wu rinyi baa, Beteshazar. Kunn wu ba, awu u ri te fu imbyi ira yi.”