Daniyel 1:5 - Kutsingken Ira Rimam ti Saen Kyag

⁵ Ukwe nda unju ti a na pu na ba wuci ti ambyi anam-ba uwae usirsir, itso wuci ti awu ukwe ku ci, ti a na kwen na ba iken ka asang ita. Isim-yi aba na u ba nde wande te ukwe.

Daniyel 1:5 Iomraidhean Croise

Kucangtsi 41:46

Yusufu site asang rijweta kiye ti awu bag wande ti nde na Ukwe ti Ejib. Yusufu nwunn uwe Ukwe u kyang kyife uten Ejib.

Daniyel 1:19

Ama ukwe te ba tsag akaen u nungye baa, umbae iki na ta-wu uwae-ba ti na pangma Daniyel, ti Hananiya, ti Mishayel, ti Azariya be. Ikyaen yine, a pu ba sang wande ti nde yi kusog ukwe.

Daniyel 1:8

Amaa, Daniyel sa tsi utob-wu baa, awu na u sor ndembeb-wu ijwe-wu te wuci ti ambyi anam ukwe be. Ikyaen yine, awu jwam unde ti ta risu ande ti ku nde wande imbyi ukwe baa, awu na u sor ndembeb-wu ijwe-wu yi fengo yine be.

Matiyu 6:11

Nda ti wuci ti yaka ne.

Luka 1:19

Atom wu ri te wu baa, “Ame si Jibirilu ti ku tsi uwe Rimam. A tom me ti m na ru ba ri ira te fu, ama ti m na sa ira ti tinyang yine ru ba na fu.

Luka 11:3

Nda ti wuci ti usirsir.

Luka 21:36

Ni tsi ti ujwin ko kiye titini. Ni jwam Rimam ti wu nda ni ribom ijwe ti ni nwangruye uwae iken yine meme ti ku ba, ti ani u ru ba tsi kutxuwe Umbae Unde.”