Afisa 1:3 - Kutsingken Ira Rimam ti Saen Kyag

³ Ati ku teb rinyi na Rimam ti si Itse na Itsekuru-ti Yesu Kristi ikyaen ti, uwae usom ti som-ti te Kristi, awu sa iken ti tinyang ti tsotso ti si ana kuru-wu ti apupwen na ti.

Afisa 1:3 Iomraidhean Croise

Kucangtsi 14:20

Itinyang ā si ana Rimam ti skeb titag ti sa ande rika-fu na fu kujwo.” Ama Ibram pu na wu kinjo uwae iken rijwe ana meme iken ti awu ci uwog rika yi.

Kucangtsi 22:18

Ikyaen risu ti nae riben-fu, meme mbukwen ande ti utense u tu itinyang ru ye utso-fu.”

Nehemiya 9:5

Tiri anyisu Lawi iki kunn ande ti a na ba fen Rimam: Aba si Jeshuwa, Kadimiyel, Bani, Hashabniya, Sherebiya, Hodiya, Shebaniya, ti Petahiya. Aba ri baa: “Sunwunn ritsen ti ni teb Yaweh Rimam-ni! Ni teb wu ru fife yi uwe! Unde titini teb rinyi-wu ikyaen riyinn ti kuko-wu.”

Daniyel 4:34

Isim asang itsongfaen yi, ame Nebukanezar pu ayib sae tso apupwen, ama ira ti kab-m kafe ba ti atang. Ame teb Rimam ti skeb ti tag, u teb wu, u nda wu kuko, ikyaen ti, awu ti nae ukwe ru fe yi uwe. Kujwokwe-wu ama tsi yiyer, ru fife yi utso ti ku ba uwe.

Luka 2:28

Simeyon ye ra umbae wu fa ajwo u teb rinyi Rimam baa,

Yohana 14:20

Ru ba sang usir wu, ani u nungye baa, ame ta uwae Itse-m. Ani u nung ama baa, ani ti risu-ni ta uwae-m, ame ama ta uwae-ni.

Yohana 17:21

Ame ku jwam ti meme-ba na si kinjo, ama ti aba ā ren tso uwog-ti, pangma ti afu Itse-m ta uwae-m, ame ama ta uwae-fu. Ame ku jwam yine ikyaen ti ande ti utense ā ru uwae kinjo baa, afu ti na tom me ru ba.

Yohana 20:17

Yesu ri te wu baa, “Tekunn-fu ame be, ikyaen ti, ame tso ka-m uwog Itse-m, ti si Itse-ba ama khika be. Amaa ru yi uwog ameinja-m ti ru ka ri te ba baa, ame kafe ku tso yi uwog unde ti si Itse-m u si Itse-ba ama, awu ti si Rimam-m u si Rimam-ba.”

Roma 12:5

Ayi si ahan ma, ko ti ati ande ti ren risu te Kristi jwunn timambe, ati si iken kinjo, ama ati ren atso pangma akyab ijwe ti ren atso.

Roma 15:6

ikyaen ti meme-ni ti unju kinjo ā teb rinyi Rimam, awu ti si Itse na Itsekuru-ti Yesu Kristi.

1 Korinti 1:30

Rimam ti nda ni ren risu te Itsekuru-ti Yesu Kristi. Awu ti nde fengo nee Yesu Kristi kwen na ti ben-ayib ti kubenti. Uwae wande na Yesu Kristi, Rimam nung ti ati si ande ti kubenti. Awu jwosaen utob-ti u saen ti ta uwae ikentitibi.

1 Korinti 12:12

Ijwe unde site akyab txi txi, amaa, awu si rimenn ijwe kinjo. Meme akyab yi ti txi txi ne a ren tetso titawe ijwe unde u ren tag. Ayi si ahan ama ti Yesu Kristi.

2 Korinti 1:3

Ati ku teb rinyi na Rimam ti si Itse na Itsekuru-ti Yesu Kristi. Rimam ti si Itse-ti ti ku nung ti te ayibrisi, awu ti si Rimam ti ku nda utob-ti nae riben skirr.

2 Korinti 11:31

Kuko ā si ana Rimam ti si Itse na Itsekuru-ti Yesu Kristi tsi kunn ike ru fife yi uwe. Awu nung pu wu baa, ame na ku yer-m rifen be.

2 Korinti 5:17

Asiti unde a si ana Kristi, awu kafe pu wu unde tishe. Iken titikyi wur ru pu yi, itishe ba pu yi.

2 Korinti 5:21

Ayi si ikyaen-ti ti Rimam sa Yesu Kristi tsi pangma awu na si unde ti nde ikentitibi, ko ti awu ndeji-wu ikentitibi be, ikyaen ti, yi uwae wande-wu, ati u si ande ti kubenti uwe Rimam.

Galatiya 3:9

Ibrahim ru kubenti u tu itinyang na Rimam. Ayi si ahan ama ande meme ti ru kubenti u tu tinyang Rimam ama.

Afisa 1:10

Ira ti awu myae tsi si ti, asiti kiye ti awu sa tsi a nde pu wu, awu u kyae nyang meme iken ti awu mam, iken ti ta apupwen fa ti ayi ti ta riben ike u sa yi kyang ikyin te atso ikyaen wande na Yesu Kristi, awu ti ta risu-yi meme.

Afisa 1:17

u tsikunn ti ku jwam Rimam, awu ti site kuko ti skeb tag u si Rimam na Itsekuru-ti Yesu Kristi. Ame ku jwam wu ti wu na nda ni Kusung-wu ti Sisaen, u nda ni ben ayib u tatso ni Rimam, ikyaen ti ni na nung nyang wu.

Afisa 1:20

kiye ti awu kunn nwunn Kristi uwae iticwu u sa wu som kujwo rici-wu uwae kuru-wu apupwen akwen.

Afisa 2:6

Ama Rimam kunn nwunn ti te Kristi te atso u nda ti uwae kuru-wu ti apupwen akwen.

Afisa 3:10

ikyaen ti, uwae wande na kumbub ande ti putsa Yesu Kristi tine, awu na u tatso yi paenine uwog ande ti kuko uwae ande ti atom ti apupwen ti ande ti uwe na asung ti ku kyang apupwen. Yi fengo yine aba ama u nung ben-ayib na Rimam ti awu site yi ti tsotso.

Afisa 6:12

Rika yi ti ati ku ta ne si-yi rika ti ati ku ta te ande ti site rimenn ijwe ti anying be. Ati ku ta rika te abikwe, ti ande ti kpakang, ti kujwokwe kufub, ti akyirten asung titibi ti ta apupwen.

Filipi 2:11

Ama meme ujaen unju ā ri tso baa, Yesu Kristi na si Itsekuru ikyaen rurob na Rimam Itse.

Mbaibrane 8:5

Meme wande-ba ti a ku nde utense ike si kubyung iken ti apupwen. Kiye ti Musa ku pwen ti wu kyae kufug Rimam ti Saen Kyag, Rimam ri te wu baa, “Nung! Nde tag meme wande yi putsa iken ti ame tso fu kitaen rikwen akwen.”

Mbaibrane 9:23

Né iken ti nde a jwosaen kang iken yine ti ta utense ike, ti si iken ti rukwer iken ti apupwen. Amaa, itijwosaen iken ti apupwen, iken ti twen-yi u bom skeb anying ibye.

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi