1 Timoti 1:3 - Kutsingken Ira Rimam ti Saen Kyag

³ Pangma ti ame jwam fu kiye ti ame nwunn ku ru yi uten ti Makedoniya, som ti uka ti Afisa, ikyaen ti, ande iki ta atang, a ku kwen na ande iken ti rifen. Kwab kang ti byang kyi ba.

1 Timoti 1:3 Iomraidhean Croise

Wande Atom 18:19

Ti aba ka sang uka ti Afisa, Bulus ya Akila ti Birskila ta. Awu ru kusog Rimam na Mbayawuda ti ta atang u ka myae ira te ba.

Wande Atom 18:21

Amaa, ti awu nwunn ka sang kuyae ku ru uten ti Afisa, awu ri te ba baa, “Asiti Rimam a cwe, ame u kafe ba nung ni.”

Roma 15:26

Ikyaen ti, ande Rimam ti uten Makedoniya te Akaya nung baa, ayi na nyang uwae-ba ti a na kwer iken ikyaen ti a na ndeya ande na Yesu ti ku ngwa rikaen uwae uka ti Urushelima.

Roma 16:17

Ameinja-m, ame ku jwam ni, ni nung afxen-ni riben te ande ti ufxaen ti ku sa itikata ba kutampwa-ni u ku nda ameinja iki kyen kufxen fengo Rimam yi iken ti kwen-ba. Ayi txi ra te ti kucang. Ni ko yaen-ni aba be.

2 Korinti 11:4

Ame ku ri ira yine ikyaen ti, ame nung baa, ariki ku ba ri te ni ira risu Yesu ti txi te ayi ti ati ku ri risu-wu, ama ani ku kyangte yi ti ritsen ti ritsen ti ajwo ifaen. Ani ku paembe kusung iki ti txi te Kusung Rimam ti ani tu kucang. Ani ku fxen ira ti txi ti ira ti ani fxen uwog-ti ti kucang.

Afisa 4:14

Tiri ati u si-ti pangma anyisu tinying cwucwo be. Aba ande ti kyang ku kyaefa ande ti iken ti kwen-ba, pangma ufunn ti ribom ti ku kae kuyae kafe kafe uwae uyinn, itsab-ba ayi u nde fob-yi iken iki uwog-ti cwucwo be.

Filipi 2:24

Ame sa ijwe-m konje uwog Itsekuru-ti baa, ame ama u tsi m tsi be u ba nung ayib-ni.

1 Timoti 4:11

Kwen na ande-fu iken yine, ti ri te ba ti a putsa yi nyinyang.

1 Timoti 4:6

Asiti afu a ku kwen na ameinja-ti ande na Rimam ira yine, afu u si upyi ti tinyang na Yesu Kristi. Afu ti risu-fu ama u ser u bom ribom fengo Rimam ikyaen na iken ti kwen na ira Rimam ti ira ti kubenti ti afu ku putsa.

1 Timoti 5:7

Ri te ba ira yine ikyaen ti a putsa yi, ikyaen ti ande ā tu-ba aba te riraen be.

1 Timoti 6:10

Itiye ure te aser ti si ipab ti ira titibi ti tsotso meme ku mbug ruye atang. Ayi si ikyaen itisha aser nee ariki shi yaen ru pu ba u pyir ira Rimam ku ru-ba uwae kinjo cwucwo be, u shir ijwe-ba ka si uwae ikajwo titibi.

1 Timoti 6:17

Ri tan ande ti rifunn atong baa, aba na ndub-ba ijwe be, aba na sa uwae tsi-ba risu rifunn ti ku mumam be, amaa a sa uwae tsi uwog Rimam, awu ti sa iken meme yaen si ti ikyaen ti ati na tsen utob atang.

1 Timoti 6:3

Unde titini ti ku kwen na ande ira iki txi ti ayine, u cwe-wu ira ti kubenti na Itsekuru-ti Yesu Kristi ti iken ti kwen na fengo Rimam be,

2 Timoti 1:18

Itsekuru-ti ā nda wu ti awu ā tu ayibrisi uwae usir ti ricwunnkyi. Afu nung pu fu ben ben itindeya ti awu ndeya m uwae uten ti Afisa.

2 Yohana 1:7

Ande ti ku kyaefa ande yang-ba akwen sang ba pu ba utense. Aba ku ri baa, ayi na si-yi kubenti ti Yesu Kristi na sang ba utense uwae rimenn ijwe unde be. Utso ande bane ti si ande ti kukyaefa, u si ande ti kuka Kristi.

Ititatso 2:14

Amaa, ame site ira iki kpang risu-fu. Ariki uwae-ni putsa iken ti kwen na Balam, unde ti kwen na Balag ti wu na sa kupong cekyi anyisu Isirela, ti aba na ci wuci apxin u nae amae ku kyang.

Ititatso 2:20

Amaa, ame site ira wune risu-fu. Afu cwe ira unda wune, Jezebel ti ku kunn ijwe-wu baa, unda ti ku ya iskin ira Rimam, ama ku kwen itikwen ku kyaefa apyi-m ti aba na nae amae, u ci wuci ti a fen apxin te yi.