1 Timoti 1:1 - Kutsingken Ira Rimam ti Saen Kyag

¹ Kutsingken wune ru uwog-m Bulus, unde ti atom Yesu Kristi. Itsekuru-ti Rimam, awu ti nwangru ti, ti Yesu Kristi, unde ti ati sa uwae tsi risu-wu, aba ti nda m wande na unde ti atom ne.

1 Timoti 1:1 Iomraidhean Croise

Luka 1:47

Utob-m tsen ikyaen na Rimam ti nwangru m.

Luka 2:11

Yaka ne uwae uten na Ukwe Dawuda a mbae na pu ba ani unde ti u nwangru ni. Awu ti si Unde wu ti Rimam Tsab Tsi! Awu ti si Itsekuru-ti.

Wande Atom 9:15

Yesu ri te wu baa, “Ru! Ame tsab ra pu m awu ti wu na nde na m wande. Awu u sa rinyi-m ri te ande ti nung-ba ira-m be, te akwe-ba te ande na Isirela.

Roma 1:1

Kutsingken wune ru uwog-m Bulus, umbaefxen Yesu Kristi, ame ti Rimam tsab tsi baa, ame na si atom-wu, u tom m ru ti m na ka ri ira-wu ti tinyang.

1 Korinti 1:1

Kutsingken wune ru kujwo-m Bulus, ame ti Rimam sa m tsi atom na Itsekuru-ti Yesu Kristi. Ame ti inja-ti Sositene ku kunnji ni ira nyinyang.

1 Korinti 9:17

Á baa, ame na màm ti uwae-m na ku nde wande yine, ame u ri baa, a na pae m pae. Amaa, ayi si-yi ame ti myae baa, ame na u nde yi be. Ayi si wande ti a sa fae si m baa, ame na nde.

2 Korinti 1:1

Kutsingken wune ru uwog-m Bulus, atom na Yesu Kristi, ame ti Rimam tsab tsi uwae itimyae na-wu. Ame te inja-ti Timoti bae ira yine ru ba uwog-ni ande Rimam ti ta Korinti ti ande Rimam ti uten ti Akaya meme.

Galatiya 1:1

Kutsingken wune ru uwog-m Bulus, unde ti atom. Ame si-m atom na unde iki be. Ayi si-yi unde iki ti tsab me ikyaen wande yine be. Ayi si Yesu Kristi ti nde yi, ti Itse-ti Rimam, awu ti kunn nwunn Yesu uwae iticwu.

Galatiya 1:11

Ameinja-m, ame ku sha ti ni na nung baa, ira tinyang na Yesu ti ame ku tsag te ande na ru-yi uwog ande ba be.

Kolosi 1:27

Rimam cwe u tatso ande-wu ira ti kitam wune ti si rifunn ti nyang skeb tag iken patag. Ayi si ira ti tinyang uwog ande ti utense meme. Ira yi si ti Yesu Kristi ku som usom-wu uwae utob-ni u ku nda ni uwae tsi baa, usir iki ani na te wu u som tetso yi riyinn-wu apupwen akwen.

2 Tesalonika 2:16

Ameinja, ati ku jwam Itsekuru-ti Yesu Kristi risu-ni, ti Itse-ti Rimam ti site ure te ti, ama tatso ti itinyang-wu yi fengo na kpakang utob ti tsikukunn fa te uwae ti tsi risu iken ti tiyang ti ku ba uwe.

1 Timoti 1:12

Ame ku nde fxaefa na Yesu Kristi Itsekuru-ti, awu ti nda m ribom ijwe ti m nde tu wande-m, ikyaen ti, awu myae u sae m baa, ame na pang pu m ti m na u nde wande yine,

1 Timoti 2:3

Itso itijwam yine nyang. Rimam ti nwangru-ti ku tsen utob te iken yine.

1 Timoti 2:7

Ayi si ikyaen ira na Yesu ne, nee a tsab ra m baa, ame na si unde ti atom, ti ame na kwen na ande ti si-ba Mbayawuda be baa, aba na ru uwae kinjo uwae ira ti kubenti na Rimam. Ira ti ame ku ri ne si-yi rifen be, ayi si kubenti.

1 Timoti 4:10

Né iken ti nde ati ku kwab u ku nde rikaen, ikyaen ti, ati sa uwae tsi pu ti uwog Rimam ti site unyang, awu ti nwangru ande meme u ku nwangru skeb ande ti ku ru kubenti uwog-wu.

Titus 1:3

Tine, ti kiye wu nde pu wu, awu Rimam ti nwangru ti mbubta ira-wu ayi paenine uwae Ira Tinyang né awu sa faesi m kujwo baa, ame na sa tsag te ande.

Titus 2:10

Aba ā yib-ba riyib be. Amaa, aba ā tatso uwae kinjo ti kubenti ko kiye titini, ikyaen ti ayi ā nda iken ti kwen ira Rimam ti nwangru ti rurob.

Titus 2:13

ti ati som ku ji iken ti tinyang nee ati sa utob tsi atang, ti si usir tiyang ti Rimam-ti ti kuko, ti Itsekuru-ti Yesu Kristi unde ti nwangru ti u ba tatso riyinn-ba.

Titus 3:4

Amaa, Rimam, awu ti nwangru-ti, tso itinyang-wu ti ure-wu ru ba uwog-ti,

Titus 3:6

Awu nde iken yine kiye ti awu sa Kusung-wu yaensi ti yi fengo na wande na Yesu Kristi unde ti nwangru ti.

1 Bitrus 1:21

ani ande ti awu nda ni ru kubenti uwog Rimam, ti kunn nwunn wu uwae iticwu, u nda wu riyinn, mbwe ti kubenti-ni ti uwaetsi-ni ā ta uwog Rimam.

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

1 Yohana 4:14

Ati ama nung, u ri tso pu ti baa, Itse na tom Umbae-wu ba ti wu na ba nwangru utense.

Yawuda 1:25

Meme riyinn ā si ana-wu, awu amam ti si Rimam ti nwangru-ti yi fengo wande na Yesu Kristi Itsekuru-ti. Rurob ti riyinn ti Kujwokwe ā si ana-wu, sa ti kucang akwen, ba kwer tine, ru fe yi uwe, ayi ā si ahan.