Luke 9:2 - Kanan

² စီးရာပ်သော် ကိုယ်တော်ကော တီတ်ဆာလာပ်သယ် ဘုရားရှင်ငါ သာသနာတော်အကြောင်း ဟောလောတီမ်နောက် အနာရောဂါသည်လာပ်သယ် ကုလောကဲ့အယ်အီတီမ် တပည့်တော်လာပ်သယ် သာပ်လာမ်မာ့။

Luke 9:2 Iomraidhean Croise

Luke 10:1

စီးရာပ်သော် ကိုယ်တော်ကော အခြားတပည့်တော် ခုနစ်ဆယ်aလည် ရွေးလောစီးရာပ်သော် ကယ်ဟောတစ်တွဲစီ တွဲလောကဲ့အယ် ကိုယ်တော်ကြွလာမ်ကားကာ့ မြို့ဖူမ်၊ ထိန်ဖူမ်ပါအာ ကြိုလောကဲ့အယ် သာပ်လာမ်မာ့။

Luke 10:11

‘နီမ်နယ် သတိအီကား အနေနယ်အယ် အလေကာ သာပါအာမာ့ ဖူန်မှုန့်ဖူမ်နယ် နူမ်လက်ပေရီပ်ကား။ အင်းမာပြာန်နယ် ဘုရားရှင်ငါ့ သာသနာတော် ထွန်းကားလောတီမ်အချိန်ထံပီပ်’ ငေါကဲ့အယ် ငေါဟီးရီလိတ်။

Luke 10:9

အင်းမာ့မြို့ဝါးမာ့ အဇလာကာ့တီတ်ဆာဖူမ်နယ် ကုလောကဲ့အယ် အီစီးရာပ်သော် ‘ဘုရားရှင်ငါ သာသနာတော် နီမ်ပါအာ ထုတ်အီတီမ် အချိန်ထံပီပ်’ ငေါကားလည် နီမ်နယ် ငါမီမ်းဟော်စီမ်ကာပ်မာ့ ရယ် ဟီမ်နာပ်သယ် ငေါဟီးလိတ်။

Luke 16:16

ဝေးငဟူပ်ကာမင်္ဂလာ ဆရာယောဟန်လက်ထက်ထုတ်ကွန်းနယ်အထိ တီတ်ဆာလာပ်ကော မောရှေကာ့ ပညတ်ကျမ်းနောက် ပရောဖက်သာပ်ကာကျမ်းဖူမ်နယ် လိုက်နာလောဟီရီမာ့။ အင်းညယ်ငေါဝမ်ရီ ရာ ငါကော ဘုရားရှင်ငါ့ သာသနာတော်အကြောင်း သတင်းကလန်နယ် ဟောလောကားအခါလည် တီတ်ဆာလာပ်ရီး ဘုရားရှင်ငါ သာသနာတော်နား ဆာမ်ရင်ကွန်းနယ် အစွမ်းကုန် ကြိုးစားလောဟီးရီမာ့။

Luke 9:11

နံတင်းငါးကာ့ တီတ်ဆာဖူမ်ငေါ အင်းမာအကြောင်းနယ် သပ်မူဟီးစန်းနော ကိုယ်တော်ကာ နောက်အား လီရာပ်ချီးမာ့။ ကိုယ်တော်ရီး ဟီမ်နာပ်သယ် ကြိုဆိုလောကဲ့အယ် ဘုရားရှင်ငါ သာသနာတော်အကြောင်းဖူမ်နယ် ဟောလောစီးရာပ်သော် အဇလာရယ် လင်းငါးကာ့ တီတ်ဆာလာပ်သယ် ဇလားဟာမ်းစီမ်းမာ့။