Luke 8:29 - Kanan

²⁹ အင်းမာညယ် လျှောက်သောထော်ကာကော် ကိုယ်တော်ကော အင်းမာ့စိတ်ဆလားလည် အင်းမာတီတ်ဆာပါအာအယ် ပူဟာမ်းတီမ် အမိန့်အီရာမ်ကယ် ထာမာ့။ အရင်နာငေါက်သော် အင်းမာ တီတ်ဆာလည် စိတ်ဆလားကော အကြိမ်ကြိမ် ဒုက္ခအီမာ့။ အင်းသယ် တီတ်ဆာလာပ်ကော အင်းမာဟီမ်ငါ ထော်သာလည် သံကြိုးဖူမ်နောက် ဟော်ပ်ကဲ့အယ် လင်ပေးရီး ဟီမ်ငေါ သံကြိုးဖူမ်နယ် တက်တူစ်ကယ်အယ် တီတ်ဆာအပေါ်ရယ် လင်းငါးကာ့ နေရာပါအာ စိတ်ဆလားကော်ကားခံနောထော်မာ့။

Luke 8:29 Iomraidhean Croise

Luke 8:28

အင်းမာဟီမ်ငေါ ကိုယ်တော်လည် ယူပ်မူဝမ်စန်းနော ရမ်းကဲ့အယ် ကိုယ်တော်ကာ မန်းနား ဝပ်သောကဲ့အယ် ကလူပ်ကား အသံနောက် “ တန်ခိုးကြီးလောဟန်ဆုံး ဘုရားရှင်ငါ ဆာ ယေရှု၊ ငါဆူပါအာ မဟာ အလိုငါကားသယ်၊ ငါဆူလည် နှိပ်စာပ်သောဝါပ်ဆွမ်၊ တောင်းပန်နော်မာ့ဆွမ်” ငေါကဲ့အယ် ရမ်းကဲ့လျှောက်တင်နော်မာ့။

Luke 8:30

ကိုယ်တော်ယေရှုကော ဟီမ်နယ် “နာန်ငါ နံမယ်ကော မညယ်ကော်ကားသယ်” ငေါကဲ့အယ် စီမ်ညူဝမ်စန်းနော အင်းမာဟီမ်ပါအာ စိတ်ဆလားဖူမ် နဲကြီစ်ယိုတုန် ဆာမ်ကဲ့လင်းငါးသယ်မာ့ အင်းမာဟီမ်ငေါ “လေဂေါင်a ထာမာ့” ငေါကဲ့အယ် ပြန်နောကဲလျှောက်တင်နော်ဟာမ်မာ့။

Luke 9:39

ဟီမ်ပါအာ စိတ်ဆလားကော ဆာမ်ပါတ်သော် ရုတ်တရာပ်ရယ် ရမ်းညာပ်စီရာပ်သော် ဟီမ်ငါ တစ်ကိုယ်လုံး ဆန်နောကဲ့အယ် ဆတူန်းနားအယ်ရီ ဆပေါ့ပ်ဖူမ် ပူရီဟာမာ့။ အင်းမာစိတ်ဆလားကော ဟီမ်နယ် ကနာကွန်နယ် အောမ်ကဲ့အယ် ဟီမ်ပါအာအယ်ရား ပူရီရားမာ့။

Luke 9:42

အင်းမာ ဆဟာလီကားကာ့ချိန်နယ် စိတ်ဆလားကော အင်းမာဆဟာလည် ကာစုတ်အား လှာတလေးကဲ့အယ် ဟီမ်ငါတစ်ကိုယ်လုံးနယ်ရီ အားကြီစ်ရယ် ဆန်နောကဲ့အယ် လင်းစီမ်းမာ့။ အင်းညယ်ငေါဝမ်ရီ ကိုယ်တော်ကော စိတ်ဆလားလည် ငါပ်ပူကဲ့အယ် ဆဟာလည် ကုလောကဲ့အီစီးရာမ်စန်နော် ဟီမ်ငါအဝါပါအာ အပ်သောဟာမ်းမာ့။