Luke 8:28 - Kanan

²⁸ အင်းမာဟီမ်ငေါ ကိုယ်တော်လည် ယူပ်မူဝမ်စန်းနော ရမ်းကဲ့အယ် ကိုယ်တော်ကာ မန်းနား ဝပ်သောကဲ့အယ် ကလူပ်ကား အသံနောက် “ တန်ခိုးကြီးလောဟန်ဆုံး ဘုရားရှင်ငါ ဆာ ယေရှု၊ ငါဆူပါအာ မဟာ အလိုငါကားသယ်၊ ငါဆူလည် နှိပ်စာပ်သောဝါပ်ဆွမ်၊ တောင်းပန်နော်မာ့ဆွမ်” ငေါကဲ့အယ် ရမ်းကဲ့လျှောက်တင်နော်မာ့။

Luke 8:28 Iomraidhean Croise

Luke 8:27

အင်းမာနေရား ထုတ်အာမ်ကဲ့အယ် ကိုယ်တော် ကမ်းစုတ်အားဟေရာမ်စန်းနော အင်းမာမြို့ဝါးမာ့ စိတ်ဆလားဆာမ်ငါးကဲ့လင်းငါးကာ့ တီတ်ဆာ‌ဟော်ဝါကော ကိုယ်တော်လည် ဟော့ပ်တီမာ့။ ဟီမ်ပါအာ စိတ်ဆလား ဆာမ်ကဲ့လင်းငါးသယ်မာ့ ဟီမ်ငေါ ကျဥ်းမားရီး အလင်း၊ ဆာမ်ဆူန်ရီး အဖူမ်ရယ် ဆိုင်းကြဥ်းသာ ဂူဖူမ်ကြာပ်ကြားပါအာဟာ အချိန်မာပ်အာမ်ကွန်းနယ် ဟာညာပ်ကယ်အယ် လင်းမီမာ့။

Luke 8:29

အင်းမာညယ် လျှောက်သောထော်ကာကော် ကိုယ်တော်ကော အင်းမာ့စိတ်ဆလားလည် အင်းမာတီတ်ဆာပါအာအယ် ပူဟာမ်းတီမ် အမိန့်အီရာမ်ကယ် ထာမာ့။ အရင်နာငေါက်သော် အင်းမာ တီတ်ဆာလည် စိတ်ဆလားကော အကြိမ်ကြိမ် ဒုက္ခအီမာ့။ အင်းသယ် တီတ်ဆာလာပ်ကော အင်းမာဟီမ်ငါ ထော်သာလည် သံကြိုးဖူမ်နောက် ဟော်ပ်ကဲ့အယ် လင်ပေးရီး ဟီမ်ငေါ သံကြိုးဖူမ်နယ် တက်တူစ်ကယ်အယ် တီတ်ဆာအပေါ်ရယ် လင်းငါးကာ့ နေရာပါအာ စိတ်ဆလားကော်ကားခံနောထော်မာ့။