Luke 8:24 - Kanan

²⁴ အင်းသယ် ဟီမ်နာပ်ကော ကိုယ်တော်ပါအာ လာမ်ကဲ့အယ် ဆော်ကယ်အယ် “ဆရာ၊ ဆရာ အလေဆူလာပ်ကော ရှီးထော်ကိုက်ပန်” ငေါကဲ့အယ် လျှောက်တင်နော်ကယ်မာ့ ကိုယ်တော်ကော ယုတ်ကဲ့အယ် ဟလာမ်းမူန်တုန်းဆော်လောကားနောက် ဝေးလှိုင်းတုန်းဖူမ်နယ် ရပ်သောတီမ် အမိန့်အီရာမ်စန်းနော ချက်ချင်းရယ် ဟလာမ်းမူန်တုန်းဆော်လောကားနောက် ဝေးလှိုင်းဖူမ်ငေါ် ငြီမ်နောဟာမ်းမာ့။

Luke 8:24 Iomraidhean Croise

Luke 4:35

အင်းညယ်ငေါဝမ်ရီ ကိုယ်တော်ယေရှုကော စိတ်ဆလားလည် “ဆီမ်နိတ်၊ ဟီမ်ပါအာအယ် ပူဝမ်စာ့” ငေါကဲ့အယ် အမိန့်အီရာမ်မာ့။ အင်းမာနောက်သယ် စိတ်ဆလားကော အင်းမာဟီမ်နယ် တီတ်ဆာလာပ်ကာအလယ်ရာ ကာစုတ်အား လာတလေးကဲ့အယ် အကနာစီမ်ညယ် ဟီမ်ပါအာအယ် ပူဝမ်မာ့။

Luke 4:39

အင်းသယ် ကိုယ်တော်ကောအင်းမာယာပ်ရှီနောက် ထံပါအာ စာပ်ကဲ့အယ် ကနာဟာကားလည် မီမ်ဟာမ်းကွန်းနယ် အမိန့်အီရာမ်ငါးနောက် အင်းမာ့ ယာပ်ရှီကော ဇလားဟာမ်းစန်နော် ချက်ချင်းယုတ်ကဲ့အယ် ဟီမ်နာပ်ခနန်း ရောက်တီမ်အူတီမ်ဖူမ် ပြာန်နောကဲ့အယ် အီမာ့။

Luke 5:5

ရှိမုန်ရီ “ဆရာ အလေဆူလာပ်ကော နာပ်သားမာပ် နာန်ကြည်လော်ဝါ ပင်ပင်ပန်းပန်းညယ် ကြိုးစားလောဟီးရီ သမ်းငါ နူဝါဟာမ်း လူရီယိုး။ အင်းညယ်ငေါဝမ်ရီ ဆရာ စီမ်း‌ညောက်ကယ်မာ့ သမ်းငါလင်ငါးပိုက်သယ် ထပ်သောကဲ့အယ် ငါဆူ ချဟာမ်းနာပ်” ငေါကဲ့အယ် ပြန်နောကဲ့အယ် ဖြေဟာမ်းမာ့။

Luke 8:25

စီးရာပ်သော် ကိုယ်တော်ကော ဟီမ်ငါတပည့်လာပ်သယ် “နီမ်ငါယုံကြည်ချက်ကော တပါသယ်” ငေါကဲ့အယ် စီမ်ညူဝမ်စန်းနော တပည့်တော်အားလုံးငေါ အန်းနောတင်းကဲ့အယ် ကစာပ်စာပ်ရယ် “အင်းကာတီတ်ဆာကော ဟင်သယ်။ လှိုင်းတုန်းဖူမ်နောက် လေဖူမ်ဟာမ်း ဟီမ်ငါအမိန့်နယ် နာခံနောဟီးထော်ကာတော်ဟေး” ငေါကဲ့အယ် အချန်းချန်း သပေါက်ချီးမာ့။