Luke 7:7 - Kanan

⁷ အင်းမာပြာန်နယ် ငါဆူရီး အရှင်ပါအာ လီကဲ့အယ် ဟော့ပ်တီတီမ်ညီး ငါဆူနောက် ထိုက်တန်နို။ အရှင် အမိန့်အီရာမ်ငါးနောက် ငါဆူကာ့ အစေခံငေါ ဇလားဟာမ်းငါမ်ကား။

Luke 7:7 Iomraidhean Croise

Luke 4:36

ဓမ္မာရုံပါအာမာ့ တီတ်ဆာလာပ်ကော အန်းနောဟီးကဲ့အယ် “အင်းကာကော မညယ်ကာ့ စကားသယ်။ ဟီမ်ငေါ ဟီမ်ငါ တန်ခိုးတော်နောက် အခွင့်အာဏာနောက် စိတ်ဆလားလာပ်သယ် အမိန့်အီရာမ်စန်းနော အင်းမာစိတ်ဆလားလာပ်ကော် တီတ်ဆာလာပ်ပါအာအယ် ပူဟီးရီမာ့” ငေါကဲ့အယ် အချန်းချန်းငေါကဲ့လင်းဟီးမာ့။

Luke 5:13

အင်းမာနောက်သယ် ကိုယ်တော်ကော ထော်လည် လာရာမ်းစီးရာပ်သော် အင်းမာဟီမ်နယ် ထာကယ်အယ် “ငါအလိုငါမာ့၊ မီမ်ဟာမ်းစန်ညုပ်” ငေါကဲ့အယ် မိန့်နာနောက် ချက်ချင်း အင်းမာဟီမ်ငါ အနာကြီးရောဂါကော် မီမ်ဟာမ်းငါမ်မာ့။

Luke 7:6

အင်းသယ်မာ့ ကိုယ်တော်ယေရှုရီး ဟီမ်နာပ်နောက် တူတူလာပ်ကဲ့အယ် တပ်မှူးကာ ကျဥ်းအထုတ်ကြီစ် ထံငါးကာ့ နေရား ထုတ်အာမ်စန်းနော တပ်မှူးကော ဟီမ်ငါ့မိတ်ဆွေကြအာလည် သာပ်ကဲ့အယ် ကိုယ်တော်လည် “အရှင်၊ ငါဆူကာ ကျဉ်းငေါ အရှင်ကြွလီတီမ် ငါဆူနောက် ထိုက်တန်နိုသယ်မာ့ ပင်ပန်းခံနောကဲ့အယ် ကြွလီထိုး(ဝ်)ဆွမ်။

Luke 7:8

ငါဆူကိုယ်တိုင်ရီး အထက်အရာရှိကာ လက်အောက်အား ငါကယ်ညယ် ငါဆူကာ့ လက်အောက်အားရီး စစ်သားဖူမ် နဲကြီစ်ငါမာ့။ ငါဆူကော စစ်သားဟော်ဝါလည် ‘လာမ်နိတ်’ ငေါကဲ့အယ် အမိန့်အီရာပ်သော် ဟီမ်လာမ်ထော်ကဲ့အယ်၊ အခြားဟော်ဝါလည် ‘လီရိတ်’ ငေါကဲ့အယ်ငေါရီး ဟီမ်လီထော်မာ့။ ငါဆူကော ငါဆူကာ့ အစေခံဖူမ်နယ် ‘အင်းကာ့ အောမ်နိတ်’ ငေါကဲ့အယ် ငေါဝါပ်သော် ဟီမ်နာပ်အောမ်ထော်မာ့” ငေါကဲ့အယ် လျှောက်တင်နော်စီမ်မာ့။