Luke 7:41 - Kanan

⁴¹ ကိုယ်တော်ယေရှုကော “ဖူးလှာကမ်ကဲ့ အီကားကာ့တီတ်ဆာဟော်ဝါပါ့အာ တီတ်ဆာကယ်ဟောကော ဖူးလှာကမ်ဟီးရီမာ့။ ဟော်ဝါကော ဒေနာရီဒင်္ဂါးcငါးရာ၊ အခြားဟော်ဝါကော ဒေနာရီဒင်္ဂါးငါးဆယ် အကြွေးငါမာ့။

Luke 7:41 Iomraidhean Croise

Luke 11:4

အလေဆူလာပ်သယ် ဒုစရိုက်ကျုးလွန်နော်ကာကာ့ တီတ်ဆာလာပ်သယ် အလေဆူ ခွင့်လွှတ်သောကဲ့အီကယ်ညယ် အလေဆူလာပ်ကာ့ ဒုစရိုက်အပြစ်ဖူမ်နယ်ရား ခွင့်လွှတ်သောကဲ့ အီစာမ်းဆွမ်။ အလေဆူလာပ်သယ် ဒုစရိုက်ကျူးလွန်နော်ပါတ်ကွန်‌နယ် ဖြားယောင်းနောကား မှန်သမျှလည်ရီ ကာကွယ်လောကဲ့ အီစာမ်းဆွမ်’ ငေါကဲ့အယ် ဆုစိမ်ဟီးလိတ်” ငေါကဲ့အယ် မိန့်နောမာ့။

Luke 12:48

အင်းညယ်ငေါဝမ်ရီ သခင်ငါ အလိုလည် အမီမ်းဟော်ရယ် အပြစ်အောမ်ပါတ်ကား အစေခံငေါ နည်းနည်းဟာ အပြစ်အီကား ခံနောထော်ပ်ကား။ ဆုကျေးဇူး နည်းကြီစ်ရယ် ခံစားလောထော်ကာ ဟီမ်ငေါ နည်းကြီစ်ရယ် အီဟာမ်းငါး ခံနောထော်ပ်ကား။ ပိုလောကဲ့အယ် ယုံကြည်အပ်နှံနော်ကာဖူမ်နယ် နည်းကြီစ်ရယ် လူပေးကားဟီမ်ငေါ နည်းကြီစ်ရယ်စိမ်ငါး ခံနောထော်ပ်ကား။”

Luke 13:4

တီတ်ဆာ တစ်ဆယ့်ရှစ်ယောက်ကော ရှိလောင်မျှော်စင်b ပြိုလောလက်ကားချိန်နယ် ဖိလောစာပ်ကား ခံနာန်ထော်ကယ်မာ့ ရှီးဟီးရာမ်မာ့။ အင်းမာဟီမ်နာပ်ကော အခြား ဂျေရုဆလင်မြို့ဝါးမာ့ တီတ်ဆာလာပ်ကာ ထက်သယ် ပိုလောကဲ့အယ် ဒုစရိုက်အပြစ်ဖူမ် နံတင်းငါး တီတ်ဆာဖူမ်ထာမာ့ ငေါကဲ့အယ် နီမ်မသာပ်ချီးကားလေး။

Luke 7:40

အင်းမာချိန်နယ် ကိုယ်တော်ယေရှုကော ဟီမ်နယ်‌ “ရှိမုန်၊ နာန်နယ် ငါငေါတီမ်ကြအာငါမာ့” ငေါကဲ့အယ် မိန့်နာန်စန်နော် ရှိမုန်ငေါ် “ငေါလိတ်ခဲ၊ ဆရာ” ငေါကဲ့အယ် ငေါဟာမ်းမာ့။

Luke 7:47

အင်းသယ် နာန်နယ် ငါငေါကားကော အင်းကာ့ယာပ်ရှီကော နံတင်းငါးကာ့ ဒုစရိုက်အပြစ်ဖူမ်နယ် ခွင့်လွှတ်သောကား ခံနောထော်ကာကော် ဟီမ်ငါ ကြီးမားလောကား ချစ်ခြင်းမေတ္တာလည် ပြလောကယ် ထာမာ့။ ဒုစရိုက်အပြစ် နည်းနည်းဟာ ခွင့်လွှတ်သောကား ခံနောထော်ကာဟီမ်ငေါ နည်းနည်းဟာနိုက်ချာ ချစ်ခြင်းမေတ္တာ ငါဟပ်ကား” ငေါကဲ့အယ် မိန့်နောမာ့။