Luke 7:37 - Kanan

³⁷ အင်းမာမြို့ဝါး ဒုစရိုက်အပြစ်ဖူမ် ကျူးလွန်နော်ပေကာကာ့ ယာပ်ရှီဟော်ဝါ ငါမာ့။ ဖာရိရှဲကာ ကျဥ်းမား ကိုယ်တော်ထောင်းကဲ့ရောက်ကဲ့ လင်းငါးကာလည် သပ်မူကယ်မာ့ ဟီမ်ငေါ ဈေးနီပ်ကယ်အယ် တန်ဖိုးကြီးလောတင်းငါးကာ့ အနံ့တူမ်းငါးကာ ဆလော တစ်ပုလင်းနယ်လာကဲ့အယ် အင်းမာနေရား လီမာ့။

Luke 7:37 Iomraidhean Croise

Luke 18:13

အင်းညယ်ငေါဝမ်ရီ အခွန်ကောက်သောကားဟီမ်ငေါ ဗိမာန်တော်ပါအာမာ့ အခြားတီတ်ဆာလာပ်နောက် စာပါအာ စာပ်ကဲ့အယ် ဟမောက်သယ်ဟာမ်း အယူဟေစာပ်ရယ် ရင်နယ် ထုလောစာပ်ရယ် ‘အို ဘုရားရှင်၊ အပြစ်ဒုစရိုက်နံတင်းငါးကာ့ ငါဆူလည် စာန်ကယ်အယ် အီစာမ်းဆွမ်’ ငေါကဲ့အယ် ဆုစိမ်မာ့။

Luke 19:7

အင်းမာလည် ယူပ်မူဟီးကားကာ့ တီတ်ဆာဖူမ်ငေါ “ဟီမ်ငေါ ဒုစရိုက်သမားကာ့ ကျဉ်းမား လာမ်ကဲ့အယ် တည်းလာမာ့” ငေါကဲ့အယ် ဝေဖန်နောကဲ့ သပေါက်ချီးမာ့။

Luke 5:30

အင်းမာချိန်နယ် ဖာရိရှဲလာပ်နောက် ဟီမ်နာပ်ပါအာမာ့ ကျမ်းထောကား ဆရာလာပ်ကော ကိုယ်တော်ကာ တပည့်တော်လာပ်သယ် “နီမ်ငေါ အင်းကာ့အခွန်ကောက်သောကားဟီမ်နာပ်၊ ဒုစရိုက်အပြစ်သားဖူမ်နောက် မဟာအောမ်ကယ် တူတူရောက်မောက်ချီးကားသယ်” ငေါကဲ့အယ် အပြစ်သာမ်ဟီးမာ့။

Luke 5:32

အင်းမာတိုင်းမန်း ဖြောင့်မတ်သောကား တီတ်ဆာလာပ်ခနန်း ငါလီကားယို။ အင်းညယ်ငေါဝမ်ရီ ဒုစရိုက်အပြစ်သားလာပ်သယ် နောင်တသံဝေဂ လူစီမ်းကာပ်ကယ်ဟာ ငါလီကားထာမာ့” ငေါကဲ့အယ် မိန့်နောမာ့။

Luke 7:34

အင်းမာပြာန်နယ် တီတ်ဆာကာ့ဆာကော ရောက်ညာပ်ကယ်အယ် လင်းမန်းနော နီမ်ငေါ ‘အင်းကာဟီမ်ငေါ ရောက်ကားအူကားမက်သောကားဟီမ်ထာကယ်အယ် အခွန်ကောက်သောကားဟီမ်နာပ်၊ ဒုစရိုက်အပြစ်သားဖူမ်နောက် မိတ်ဆွေအောမ်ကဲ့လင်းငါး’ ငေါကဲ့အယ် ငေါဟာမ်းဟီးမာ့။

Luke 7:36

စီးရာပ်သော် ဖာရိရှဲဟော်ဝါကော ကိုယ်တော်ယေရှုလည် ဟီမ်ငါကျဥ်းမား နာန်ကြည်စာရောက်တီမ် ပင့်နောမာ့။ အင်းသယ် ကိုယ်တော်ကော အင်းမာဟီမ်ငါကျဥ်းမား ကြွလာမ်ကယ်အယ် ရောက်တီမ်အူတီမ် စားပွဲရား ထောင်းငမ်မာ့။