Luke 7:23 - Kanan

²³ ငါလည် ဆက်သောကဲ့အယ် ယုံကြည်လောကား ဟီမ်နာပ်ကော ကံကလန်ဟိကာ” ငေါကဲ့အယ် မိန့်နောမာ့။

Luke 7:23 Iomraidhean Croise

Luke 2:34

အင်းမာနောက်သယ် ရှုမောင်ငေါ် ဟီမ်နာပ်သယ် ကလန်ငါကာ စကားဖူမ်နယ် ငေါကဲ့အီစီးကဲ့အယ် မာရိလည် “ဘုရားရှင်‌ငေါ် နာန်ငါ ဆာလည် အစ္စရေးလူမျိုးလာပ်ကာ့ကြာပ်ကြား ဘုရားရှင်ငါ အပြစ်အိကားလည် ခံနောထော်ပ်ကား တီတ်ဆာဖူမ်နောက် အခြားနံတင်းငါးကာ ကယ်တင်နောကား ခံနောထော်ပ်ကားတီတ်ဆာဖူမ်နယ် ခွဲခြားလောတီမ် ရွေးချယ်လီကာ ထာမာ့။ မာ့ ဆဟာကော ဘုရားရှင်ပါအာမာ့ နိမိတ်လက္ခာဏာကြအာ ထာရီပ်ကားငေါရီး တီတ်ဆာလာပ်ကော ဟီမ်နယ် ပယ်လောဟိကာ ထာမာ့။

Luke 7:22

စီးရာပ်သော် ကိုယ်တော်ကော ယောဟန်ငါ တပည့်လာပ်သယ် “နီမ်ယူပ်မူ သာပ်မူကားကာ့အရာဖူမ်နယ် ယောဟန်ပါအာ ငေါဟာလိတ်။ မီပ်တူ အယူပ်မူကားကာ့ တီတ်ဆာလာပ်ကော ရာမီပ်တူယူပ်မူဟာမ်းပါတ်။ ထော်သာ အသန်စွမ်နော်ရယ် လင်းငါးကာ တီတ်ဆာလာပ်ကော လမ်းဟာဟာမ်းရင်ပါတ်။ အနာတုန်ရောဂါသည်ဖူမ်ငေါ ရောဂါဖူမ် မီမ်ဟာမ်းဟူမ်ပါတ်။ ကနားတီစ်ကာ တီတ်ဆာလာပ်ကော ကနား သပ်မူဟာမ်းပါတ်။ ရှီးစီးကား တီတ်ဆာလာပ်ကော ဆိုင်းဟေရာမ်။ အပေါ်ဟာကား တီတ်ဆာလာပ်ရီး မင်္ဂလာသတင်းကလန်ဖူမ်နယ် သပ်မူဟီးမူဝါပ်။

Luke 7:24

ယောဟန်ငါ တပည့်လာပ် လာမ်ဟာမ်းစီးရာပ်သော် ကိုယ်တော်ကော တီတ်ဆာပရိသတ်သာပ်သယ် ယောဟန်ငါ အကြောင်းဟောလောကားကော “နီမ်ငေါ ဝေးငဟူပ်ကာမင်္ဂလာ ဆရာယောဟန် ဝေးငဟူပ်ကာမင်္ဂလာ အီကားအခါလည် တီတ်ဆာလာပ် အပေါ်ကာကာ့ ပေါက်ခါသာတုန်းငါး မဟာလည် ယူတီမ် လာမ်ဟီးကားသယ်။ လေတိုက်သောကား ဘက်လာ ယိုင်နာပ်ကားကာ့ စုတ်ကားကာ လိပ်စာပ်တွန်နယ်နာန်။