Luke 7:16 - Kanan

¹⁶ တီတ်ဆာဖူမ်အားလုံးငေါ အန်းနောကဲ့ ကစာပ်စာပ်ရယ် “အလေပါအာ ကြီးမြတ်သောကားကာ ပရောဖက်တစ်ပါး ပေါ်လောရီပ်။ ဘုရားရှင်ငေါ် ဟီမ်ငါလူမျိုး ထာကာကာ့ အလေလည် ကယ်တင်နောတီမ် ကြွလီရာမ်” ငေါကဲ့အယ် ဘုရားရှင်နယ် ချီးမွမ်းနောဟီးမာ့။

Luke 7:16 Iomraidhean Croise

Luke 1:65

ကျဥ်းဖာန်ကျဥ်းဟက်သာပ်ကော် အင်းမာအဖြစ်အပျက်ဖူမ်နယ် ယူပ်မူဝမ်စန်းနော ကစာပ်ကယ်အယ် လင်းဟီးရာမ်မာ့။ အင်းမာသတင်းရီး ယုဒပြည်တောင်ပေါ်ဒေသထုတ်ကွန်းနယ် ပျံ့နောတင်းမာန်မာ့။

Luke 1:68

“အစ္စရေးလူမျိုးလာပ်ကာ့ အရှင်ထာကာကာ့ ဘုရားရှင်နယ် ချီးမွမ်းနောမာ့။ ဟီမ်ငေါ ဟီမ်ငါတီတ်ဆာလာပ်သယ် လော်ပ်သော်စီမ်တီမ် ကြွလီကာရာမ်။

Luke 19:44

ဟီမ်နာပ်ကော နီမ်အားလုံးနယ် ကက်ရှီးကဲ့အယ် မြို့လည်ရာ သလောင်ရှီ တူဝါကာ့စုတ်အား တူဝါ အကျန်နော်ရယ် လင်းစာပ်အာမ်ကွန်းနယ် ဖျက်စီးလောပ်ကာ့။ မဟာအောမ်ကယ်လိုးငေါနော နီမ်ငေါ ဘုရားရှင်ငေါ် နီမ်နယ် ကယ်လောတီမ် ကြွလီကာလည် အမီမ်းဟော်ကယ် ထာမာ့” ငေါကဲ့အယ် မိန့်နောမာ့။

Luke 2:20

သိုးပေါ်ကားဟီမ်နာပ်ရီး ဘုရားရှင်နယ် ရိုရိုသေသေရယ် ချီးမွမ်းနောစာပ်ရယ် ဟီမ်နာပ်ကာ သိုးငါကားနေရား လာမ်ဟာမ်းဟီးမာ့။ မဟာအောမ်ကယ်လိုးငေါနော ဟီမ်နာပ်သပ်မူကယ်အယ် ယူပ်မူရီကားဖူမ်အားလုံးငေါ ဟီမ်နာပ်သယ် ဟမန်းငေါရီကယ်ညယ် အမှန်တကယ် ထာရီကယ် ထာမာ့။

Luke 24:19

ကိုယ်တော်ကော “မဟာဖူမ် ထာရီကားသယ်” ငေါကဲ့အယ် စီမ်ညူဝမ်စန်းနော ဟီမ်နာပ်ငေါ “နာဇရက်မြို့သား ကိုယ်တော်ယေရှုကာ အဖြစ်ပျက်ဖူမ် ထာမာ့။ ဟီမ်ငေါ ပရောဖက်တစ်ပါး ထာကယ်အယ် ဘုရားရှင်နောက် တီတ်ဆာလာပ်ကာ့ မန်းနား တန်ခိုးအာဏာနောက် ပြည့်စုံနော်ကာ သတင်းစကားဖူမ်နောက် အန်းနောမီးကားဖူမ်နယ် အောမ်မီမာ့။

Luke 5:26

အင်းမာအဖြစ်ပျက်သယ် ယူပ်မူကားကာ တီတ်ဆာအားလုံးငေါ ကစာပ်ကယ်အယ် အန်းနောဟီးစာပ်ရယ် ဘုရားရှင်နယ် ချီးမွမ်းနောဟီးမာ့။ အင်းမာနောက်သယ် ဟီမ်နာပ်ကော ကစာပ်စာပ်ရယ် “ထူးဆန်းနောကဲ့အယ် အန်းနောမီးကားကာ့ဖူမ်နယ် ယေမာပ်အာ အလေယူပ်မူဟီးမူဝါပ်” ငေါကဲ့အယ် အချန်းချန်းငေါဟီးမာ့။

Luke 5:8

အင်းမာအဖြစ်ပျက်ဖူမ်နယ် ယူပ်မူဝမ်စန်းနော ရှိမုန်ပေတရုbကော ကိုယ်တော်ယေရှုကာ့ သာပဲရား ဝယ်လော်ကယ်အယ် “အရှင်၊ ငါဆူကော ဒုစရိုက်အပြစ်နံငါးဟီမ်ထာကယ်မာ့ ငါဆူပါအာအယ် ပူပေးရာမ်စာပ်ဆွမ်” ငေါကဲ့အယ် လျှောက်တင်နော်မာ့။

Luke 7:15

အင်းမာချိန်နယ် ရှီးကဲ့လင်းငါးကာ့ ဟော်လောဝါကော် ချက်ချင်းရယ် ယုတ်ကဲ့ထောင်းစီးရာပ်သော် စားလောကဲ့အယ် သပေါက်မာ့။ စီးရာပ်သော် အင်းမာဟီမ်နယ် ဟီမ်ငါအမေပါအာ အပ်သောဟာမ်းမာ့။

Luke 7:39

ကိုယ်တော်လည် ပင့်ဖိတ်သောကားကာ့ ဖာရိရှဲကော အင်းမာလည် ယူပ်မူဝမ်စန်းနော “အင်းကာဟီမ်ငေါ ပရောဖက် မှန်နောဝမ်းနော ဟီမ်နယ် ထာကယ်လင်းငါးကာ့ ယာပ်ရှီကော မညယ်ကာ့ ယာပ်ရှီငေါကားကာလည် မီမ်းဟော်ပ်နာ့ပ်။ အကလန်ငါအောမ်ငါးကာ့ယာပ်ရှီ ငေါကားကာလည်ရား မီမ်းဟော်ပ်နာ့ပ်” ငေါကဲ့အယ် စိတ်နား တွေးလောကဲ့လင်းမာ့။

Luke 8:37

အင်းမာချိန်နယ် ဂါရစမြို့ ပါအာမာ့ တီတ်ဆာအားလုံးငေါ တအားကစာပ်တင်ကယ် ကိုယ်တော်ယေရှုလည် အင်းမာအရပ်လားအယ် ပူဟာမ်းတီမ် တောင်းပန်နော်ဟီကယ်မာ့ ကိုယ်တော်ယေရှုရီး တပည့်တော်လာပ်နောက်တူတူ လှေစုတ်အား ဟေကဲ့အယ် အင်းမာအရပ်လားအယ် ပူပေးရာမ်မာ့။

Luke 9:19

ဟီမ်နာပ်ကော “ကြအာတီတ်ဆာလာပ်ကော ကိုယ်တော်လည် ဝေးငဟူပ်ကာမင်္ဂလာ ဆရာယောဟန် အသက်ဆိုင်းဟေကာ ငေါကဲ့အယ် ငေါဟီးမာ့။ ကြအာကော ပရောဖက် ဧလိယ ပြန်လောကဲ့အယ်ကြွဟေကာ ငေါကဲ့အယ်ရီ ငေါဟီးမာ့။ မယားမားကာ့ ပရောဖက်တစ်ပါး အသက်ဆိုင်းဟေကာ ငေါကဲ့အယ်ရော် ငေါဟီးမာ့” ငေါကဲ့အယ် လျှောက်တင်နော်ဟီမာ့။