Luke 6:27 - Kanan

²⁷ “အင်းညယ်ငေါက်သော် ရာ သပ်ကဲ့လင်းမာပ်ကားနီမ်နယ် ငါငေါ့နာပ်။ ရန်သူလာပ်ကာ့ အပေါ်ဝါ မူမ်းဟီးလိတ်။ နီမ်နယ် ယူနီကာကာ့ တီတ်ဆာလာပ်သယ် ဟီမ်နာပ်ခနန်း ကလန်ငါလည် အောမ်ကဲ့အီဟီးလိတ်။

Luke 6:27 Iomraidhean Croise

Luke 23:34

အင်းမာချိန်နယ် ကိုယ်တော်ကော c“အဝါဘုရားရှင်၊ ဟီမ်နာပ်ကော ဟီမ်နာပ်အောမ်ငါးကာလည် မီမ်းဟော်ဟီယိုသယ်မာ့ ဟီမ်နာပ်သယ် ခွင့်လွှတ်သောကဲ့ အီစာမ်းဆွမ်” ငေါကဲ့အယ် ဆုစိမ်ငါမ်မာ့။ ရဲမတ်သာပ်ကော် ကိုယ်တော်ကာ ဆာမ်ဆူန်ဖူမ်နယ် မဲနောပ်ကယ်အယ် ခွဲလောကဲ့ လာဟီးမာ့။

Luke 6:22

တီတ်ဆာကာ့ဆာလည် ယုံကြည်လောဟီးကယ်မာ့ တီတ်ဆာလာပ်ယူနီကာ ခံနောထော်ကာ အခါလည်ဟာမ်း ထာဂါက်ထာ၊ ပစ်ပယ်လော်ကာခံနောထော်ကာ အခါလည်ဟာမ်း ထာဂါက်ထာ၊ နှိပ်စာပ်သောကား ခံနောထော်ကာ အခါလည်ဟာမ်း ထာဂါက်ထာ၊ စော်ကားလောကဲ့အယ် သပေါက်ကား ခံနောထော်ကာ အခါလည်ဟာမ်း ထာဂါက်ထာ ကံကလန်ဟီမာ့။

Luke 6:35

နီမ်ငေါ ရန်သူလာပ်သယ် မေတ္တာအီကဲ့အယ် ဟီမ်နာပ်ခနန်း ကလန်ငါလည်ဟာ အောမ်ကဲ့အယ် အီဟီးလိတ်။ လူဟာမ်းတီမ် အမျှော်လော်ရယ် လှာကမ်ကဲ့ အီဟီးလိတ်။ နီမ် အင်းမာညယ် အောမ်မန်းနော ဘုရားရှင်ပါအာအယ် ဆုလာပ်ဖူမ် လူတင်းကဲ့အယ် တန်ခိုးကြီးလောဟန်ဆုံး ဘုရားရှင်ငါ ရှိတ်ဆာဖူမ် ထာဟိကာ။ မဟာအောမ်ကယ်လိုးငေါနော ဘုရားရှင်ငေါ် ကျေးဇူးအမီမ်းဟော်ဟာကားကာ့ ဟီမ်နာပ်နောက် အကလန်ငါကာ တီတ်ဆာလာပ်သယ်ရီး မေတ္တာ ပေးကားသယ်မာ့ ထာမာ့။

Luke 8:15

မြေဆီလွှာ ကလန်ငါနေရား ထုတ်အာကား မျိုးစေ့ ငေါကားကော ဘုရားရှင်ငါ နှုတ်ကပါတ်တော်ဖူမ်နယ် သပ်လာပ်စီးရာပ်သော် ရိုးသားလောကဲ့အယ် ကလန်ငါကာ ဟီမ်နာပ်ကာ စိတ်နှလုံးနောက် စီမ်းနောပေးစီးကဲ့အယ် ဘုရားရှင်ငါ နှုတ်ကပါတ်တော်နောက် ညီလောကွန်းနယ် လင်းဟီးကားကာ တီတ်ဆာဖူမ်ထာမာ့” ငေါကဲ့အယ် မိန့်နောမာ့။

Luke 8:18

အင်းသယ် အာရုံစိုက်သောကဲ့အယ် သပ်လာပ်ချီးလိတ်။ မဟာအောမ်ကယ်လိုးငေါနော နားလည်လော်ကာ တီတ်ဆာလာပ်သယ် ဘုရားရှင်ငေါ် ပိုလောကဲ့အယ် နားလည်လော်စီမ်ကာ။ အင်းညယ်ငေါဝမ်ရီ နားလည်လော်ကာပ်ကာ စိတ်အပေါ်ကာ တီတ်ဆာလာပ်သယ်ကော ဟီမ်နာပ်နားလည်လော်မာ့ မသပ်ပေးကားဖူမ်နယ်ဟာမ်း ဘုရားရှင်ငေါ် ဆုံးရှုံးနောစီမ်းကာ” ငေါကဲ့အယ် မိန့်နောမာ့။

Luke 8:8

ကြအာမျိုးစေ့ဖူမ်ငေါ် မြေဆီလွှာကလန်ငါကာ့နေရား ထုတ်အာကယ်မာ့ တွန်ဖူမ်ပေါက်သောကဲ့အယ် အဆတစ်ရာ ငေါကားကာ့ ရှီစ်ရှီပရှီဖူမ် ပေါ်လီမာ့” ငေါကဲ့အယ် မိန့်နောမာ့။ အင်းမာညယ် မိန့်နောစီးရာမ်စန်နော် ဟီမ်ငေါ “ငါငေါကားလည် သာပ်မူရင်ငါးဟီမ်နာပ်ကော နားလည်လော်ကွန်နယ် ကြိုးစားလောထော်ပ်ကား” ငေါကဲ့အယ် ရမ်းကဲ့သပေါက်အာမ်မာ့။