Luke 6:21 - Kanan

²¹ ရာ ရောက်ခေါပ်ကဲ့လင်းငါးဟီမ်နာပ်ရီး ပျော်လောဟီးစာပ်။ မဟာအောမ်ကယ်လိုးငေါနော နီမ်ရီး စိတ်ကျေနပ်သောကွန်းနယ်အထိ ကျေးကွန်းနယ် ရောက်ချီးမူကိုက်ပန်။ ရာ ဟပ်ကဲ့အယ် လင်းငါးကာ့ ဟီမ်နာပ်ရီး ပျော်လောဟီးစာပ်။ နီမ်ရီး နီးကာပ်ကယ်အယ် ပျော်လောဟီးမူကိုက်ပန် ထာမာ့။

Luke 6:21 Iomraidhean Croise

Luke 1:53

ဘုရားရှင်ငေါ် ရောက်ခေါပ်ကဲ့ငတ်သောကဲ့အယ် လင်းငါးကာ တီတ်ဆာလာပ်သယ် ကလန်ငါကာဖူမ်နယ် အီမာ့ငေါရီး ဆွာမ်းငါးကာ့ တီတ်ဆာလာပ်သယ်ကော မဟာဟာမ်း အအီရယ် သာပ်လာမ်မာ့။

Luke 6:20

စီးရာပ်သော် ကိုယ်တော်ကော တပည့်လာပ်ကာ့ဘက်လာ မန်းကဲ့အယ် ဟီမ်နာပ်သယ် “အပေါ်ဟာကားကာ နီမ်ငေါ ကံကလန်ဟီမာ့။ မဟာအောမ်ကယ်လိုးငေါနော ဘုရားရှင်ငါ သာသနာတော်ကော နီမ်ဟနန်းဟာ ထာမာ့။

Luke 6:22

တီတ်ဆာကာ့ဆာလည် ယုံကြည်လောဟီးကယ်မာ့ တီတ်ဆာလာပ်ယူနီကာ ခံနောထော်ကာ အခါလည်ဟာမ်း ထာဂါက်ထာ၊ ပစ်ပယ်လော်ကာခံနောထော်ကာ အခါလည်ဟာမ်း ထာဂါက်ထာ၊ နှိပ်စာပ်သောကား ခံနောထော်ကာ အခါလည်ဟာမ်း ထာဂါက်ထာ၊ စော်ကားလောကဲ့အယ် သပေါက်ကား ခံနောထော်ကာ အခါလည်ဟာမ်း ထာဂါက်ထာ ကံကလန်ဟီမာ့။

Luke 6:25

ရာအချိန်နယ် ကျေးကွန်းနယ် ရောက်ချီးမူကာကာ့ တီတ်ဆာလာပ်ကော ဒုက္ခရောက်သောဟိကာ။ မဟာအောင်ကယ်လိုးငေါနော ဟီမ်နာပ်ကော ရောက်ခေါပ်ချီးထော်ပ်ကားအချိန် ထုတ်အိကားသယ်မာ့။ ရာ့အချိန်ငါ နီးကာပ်ကယ်အယ် လင်းငါးကာ ဟီမ်နာပ်ကော ဒုက္ခရောက်သောဟိကာ။ မဟာအောမ်ကယ်လိုးငေါနော ဟီမ်နာပ်ကော ဝမ်းနည်းလောကဲ့အယ် ဟပ်ချီးထော်ပ်ကား။