Luke 5:33 - Kanan

³³ အင်းမာနောက်သယ် ကြအာတီတ်ဆာလာပ်ကော ကိုယ်တော်ယေရှုလည် “ဝေးငဟူပ်ကာမင်္ဂလာ ဆရာယောဟန် ငါတပည့်ဖူမ်ငေါ် ရောက်ကား ရှောင်နောကဲ့အယ် ဆုစိမ်ငါးလည် အမာပ်စာပ် အောမ်ဟီးမာ့။ ဖာရိရှဲလာပ်ကာ့တပည့်ဖူမ်ရီ အင်းမာတိုင်းမန်း အောမ်ဟီးမာ့။ အင်းညယ်ငေါဝမ်ရီ နာန်ငါ တပည့်လာပ်ကော် အမြဲတမ်းရယ် ရောက်ချီးအူဟီးကဲ့အယ် အခြားတီတ်ဆာလာပ်ညယ် မဟာအောမ်ကယ် ရောက်ကားအရှောင်နော်ဟီကာသယ်” ငေါကဲ့အယ် စီမ်ညူဟီးမာ့။

Luke 5:33 Iomraidhean Croise

Luke 11:1

ရာပ်အာလည် ကိုယ်တော်ယေရှုကော တစ်နေရာရာပါအာ ဆုစိမ်စီးရာမ်စန်နော် ကိုယ်တော်ယေရှုကာ တပည့်ဖူမ်ပါအာမာ့ ဟော်ဝါကော “အရှင်၊ ဝေးငဟူပ်ကာမင်္ဂလာဆရာယောဟန်ငေါ် ဟီမ်ငါတပည့်ဖူမ်နယ် ဆုစိမ်ငါးနည်း ဆောမ်နောကဲ့အီကယ်ညယ် အလေဆူလာပ်သယ်ရီး ဆောမ်နောကဲ့အယ် အီစာမ်းဆွမ်” ငေါကဲ့အယ် လျှောက်သောမာ့။

Luke 18:12

ငါဆူကော တစ်ပတ်သယ် ကယ်ရာပ် ရောက်ကား ရှောင်နောကဲ့အယ် ဆုစိမ်မာ့a။ ငါဆူလူကားကာ့ ဖူးအားလုံးပါအာအယ် ဆယ်ပုံတစ်ပုံနယ် ဘုရားရှင်ဟနန်း လှူဒါန်းနောမာ့’ ငေါကဲ့အယ် ဆုစိမ်မာ့။

Luke 2:37

ရာ ဟီမ်ငေါ မုဆိုးမဟော်ဝါထာရီကဲ့အယ် အသက် ရှစ်ဆယ့်လေးနှစ်i ငါဝါပ် ထာမာ့။ ဟီမ်ငေါ ဗိမာန်တော်ဝါမ်းငါး အမြဲတမ်း လင်းဟာမာ့။ ဟီမ်ငေါ နီတ်ခူတိုင်း နာန်ကြည်တိုင်း ဘုရားရှင်နယ် ဝယ်လော်ကာ၊ ဆုစိမ်ငါး၊ တစ်ခါတစ်လေငေါက်သော် ရောက်ကားရှောင်နောကဲ့အယ် အူန်းပူစ်စောင့်နောကားဖူမ် အောမ်ငါးကာဟီမ်ရီးထာမာ့။

Luke 20:47

မုဆိုးမလာပ်ကာ့ ပစ္စည်းဥစ္စာဖူမ်နယ်ရား ပက်သော်ညာပ်ကယ်အယ် သိမ်းနောဟီးဟာကယ်အယ် ဆုစိမ်ငါးအချိန်နယ်ရီး စုတ်စုတ်ရယ် ဟန်ဆောင်နောကဲ့အယ် ဆုစိမ်ဟီးဟာမာ့။ ဘုရားရှင်ငေါ် အင်းမာဟီမ်နာပ်သယ် ပြင်းထန်နော်ကာ အပြစ်သယ် အိကား ထာမာ့” ငေါကဲ့အယ် မိန့်နောမာ့။

Luke 5:32

အင်းမာတိုင်းမန်း ဖြောင့်မတ်သောကား တီတ်ဆာလာပ်ခနန်း ငါလီကားယို။ အင်းညယ်ငေါဝမ်ရီ ဒုစရိုက်အပြစ်သားလာပ်သယ် နောင်တသံဝေဂ လူစီမ်းကာပ်ကယ်ဟာ ငါလီကားထာမာ့” ငေါကဲ့အယ် မိန့်နောမာ့။

Luke 5:34

ကိုယ်တော်ယေရှုကော “မင်္ဂလာပွဲလီကားဟီမ်နာပ်သယ် သတို့သားနောက်တူတူ ငါကားကာအချိန်နယ် ရောက်ကားရှောင်နောကွန်းနယ် နီမ်အောမ်ဟီးရင်နှေး။ အင်းမာညယ် ဟင်ဟာမ်း အောမ်ရင်နိုး။