Luke 5:17 - Kanan

¹⁷ ရာပ်အာလည် ကိုယ်တော်ယေရှုဟောပြောလောကဲ့အယ် လင်းငါးအချိန်နယ် ဂါလိလဲပြည်၊ ယုဒပြည်၊ ဂျေရုဆလင်မြို့ဖူမ်ပါအာမာ့ ထိန်ဖူမ်ပါအာအယ် လီဟီးကားကာ ဖာရိရှဲeဖူမ်နောက် ကျမ်းထောကား ဆရာဖူမ်နာပ်ရီး အင်းမာနေရား ထောင်းကဲ့လင်းဟီးမာ့။ ဘုရားရှင်ငေါ် ကိုယ်တော်နန်း တီတ်ဆာလာပ်ကာ့ အနာရောဂါဖူမ် မီမ်ဟာမ်းစီမ်းရင်ငါကာ တန်ခိုးတော်လည် အီပေးမာ့။

Luke 5:17 Iomraidhean Croise

Luke 15:2

အင်းညယ်ငေါဝမ်ရီ ဖာရိရှဲဖူမ်နောက် ကျမ်းထောကား ဆရာဖူမ်ငေါ “အင်းကာဟီမ်ငေါ အပြစ်ဒုစရိုက်သားဖူမ်နောက် မိတ်ဆွေအောမ်စာမ်းဟာအဟီပ်ရယ် ဟီမ်နာပ်နောက်တူတူ ရောက်မောက်ကားတော်ဟေး” ငေါကဲ့အယ် ဝေဖန်နောဟီးမာ့။

Luke 2:46

ဆွန်းရာပ်မာပ်အာမ်စန်းနော ဟီမ်နာပ်ကော ဆဟာယေရှုလည် ဗိမာန်တော်ဝါမ်းငါး ဂျူးဘာသာရေး ဆရာလာပ်ကာ့ ကြာပ်ကြား ထောင်းကဲ့အယ် လင်းငါးလည် ယူပ်မူဟီးမာ့။ ဟီမ်ငေါ ဂျူးဘာသာရေး ဆရာလာပ် ဆောမ်နောကားဖူမ်နယ် သပ်ကဲ့အယ် ဟီမ်နာပ်သယ် မေးခွန်းဖူမ် စီမ်ညူကဲ့အယ် လင်းမီမာ့။

Luke 5:21

အင်းမာချိန်နယ် ဖာရိရှဲလာပ်နောက် ကျမ်းထောကား ဆရာလာပ်ကော “ ဘုရားရှင်နယ် စော်ကားလောကဲ့အယ် သပေါက်ကားကာ အင်းကာတီတ်ဆာကော ဟင်သယ်။ ဘုရားရှင်တစ်ပါးဟာနိုက် ဒုစရိုက်အပြစ်ဖူမ်နယ် ခွင့်လွှတ်သောကဲ့အယ် အီရင်ငါး” ငေါကဲ့အယ် တွေးလောကဲ့အယ် လင်းဟီးမာ့။

Luke 5:30

အင်းမာချိန်နယ် ဖာရိရှဲလာပ်နောက် ဟီမ်နာပ်ပါအာမာ့ ကျမ်းထောကား ဆရာလာပ်ကော ကိုယ်တော်ကာ တပည့်တော်လာပ်သယ် “နီမ်ငေါ အင်းကာ့အခွန်ကောက်သောကားဟီမ်နာပ်၊ ဒုစရိုက်အပြစ်သားဖူမ်နောက် မဟာအောမ်ကယ် တူတူရောက်မောက်ချီးကားသယ်” ငေါကဲ့အယ် အပြစ်သာမ်ဟီးမာ့။

Luke 6:19

ကိုယ်တော်ပါအာ တီတ်ဆာအာလုံးနာပ်ကာ အဇလာကာဖူမ်အားလုံးနယ် မီမ်ဟာမ်းစီမ်းရင်ငါကာ တန်ခိုးငါကယ်မာ့ တီတ်ဆာအားလုံးငေါ ကိုယ်တော်ယေရှုလည်ထာဟီတီမ် ကြိုးစားလောဟီးမာ့။

Luke 7:30

အင်းညယ်ငေါဝမ်ရီ ဖာရိရှဲဖူမ်နောက် ကျမ်းထောကား ဆရာလာပ်ကော ဝေးငဟူပ်ကာမင်္ဂလာ အခံနော်ရယ် ဘုရားရှင်ငါ အစီအစဉ်နယ် ပစ်ပယ်လော်ဟီရီမာ့။

Luke 8:46

အင်းညယ်ငေါဝမ်ရီ ကိုယ်တော်ယေရှုကော “ဟော်ဝါဟော်ဝါကော ငါလည်ထာရီကယ် တန်ခိုးဖူမ် ပူဝမ်မာ့ ငေါကားလည် ငါမီမ်းဟော်မာ့” ငေါကဲ့အယ် ပြန်နောကဲ့ မိန့်နောဟာမ်းမာ့။