Luke 4:23 - Kanan

²³ ကိုယ်တော်ယေရှုရီး “ရှီစ်ဆရာကော် ကိုယ်ကာနောက်ကိုယ် အရာမ်ရှီစ်ကုလောတီမ် လိုလောမာ့ ငေါကားကာ့ စကားပုံနယ် နီမ်ငေါ အမှန်တကယ်ဟာမ် ငေါဟိကာ။ အင်းမာပြာန်နယ် နီမ်ငေါ ‘ကပေရနောင်မြို့ဝါး ကိုယ်တော်အောမ်မီမာ့ ငေါကဲ့အယ် အလေ သာပ်မူရီကားအမှုဖူမ်နယ် နာန်ဟဲရီကာကာ့မြို့ ထာကာကာ့ အင်းကာနေရားရီး အောမ်နိတ်’ ငေါကဲ့အယ် နီမ်ငေါ ငါလည် ငေါဟိကာ။

Luke 4:23 Iomraidhean Croise

Luke 2:39

အင်းမာစီးရာပ်သော် ယောသပ်နောက် မာရိကော မောရှေကာ့ ပညတ်ကျမ်းဖူမ်ပါအာ ရေးလောပေးကားအတိုင်းညယ် အောမ်တီမ်ငါကားဖူမ်အားလုံး အောမ်စီးရာမ်စန်နော် ဟီမ်နာပ် လင်းငါးကာ ဂါလိလဲပြည် နာဇရက်မြို့ဝါ လာမ်ဟာမ်းဟီးမာ့။

Luke 2:51

အင်းမာစီးရာပ်သော် ဆဟာယေရှုကော ယောသပ်နောက် မာရိလာပ်နောက်တူတူ နာဇရက်မြို့ဝါ လာပ်ထာမ်းကဲ့အယ် ဟီမ်နာပ်သပေါက်ကားလည် ဆက်သောကဲ့အယ် သပ်ကဲ့အယ် လင်းမီမာ့။ အင်းညယ်ငေါဝမ်ရီ ဟီမ်ငါအမေကော ထာရီကားကာ အကြောင်းအရာဖူမ်အားလုံးနယ် ဟီမ်ငါစိတ်နားဟာ ပေးကဲ့အယ် တွေးလောကဲ့အယ် လင်းမာ့။

Luke 4:16

အင်းမာစီးရာပ်သော် ကိုယ်တော်ယေရှုကော ဟီမ်တုန်းရီကာကာ့ နာဇရက်မြို့ပါအာ လာမ်ဟာမ်းမာ့။ အူန်းပူစ်မာန်းရာပ်သယ် ဟီမ်ငေါ လာမ်နေကျအတိုင်း ဓမ္မာရုံပါအာ လာမ်ကဲ့အယ် အင်းမာနေရား ဟီမ်ငေါ ကျမ်းစာကြေတီမ် ယုတ်အာမ်မာ့။

Luke 4:31

အင်းမာစီးရာပ်သော် ကိုယ်တော်ကော ဂါလိလဲပြည်ပါအာမာ့ ကပေရနောင်မြို့ဝါးလာမ်ကဲ့အယ် အူန်းပူစ်မာန်းရာပ်သယ် ဓမ္မာရုံငါး တီတ်ဆာဖူမ်နယ် ဟောလောမာ့။

Luke 4:35

အင်းညယ်ငေါဝမ်ရီ ကိုယ်တော်ယေရှုကော စိတ်ဆလားလည် “ဆီမ်နိတ်၊ ဟီမ်ပါအာအယ် ပူဝမ်စာ့” ငေါကဲ့အယ် အမိန့်အီရာမ်မာ့။ အင်းမာနောက်သယ် စိတ်ဆလားကော အင်းမာဟီမ်နယ် တီတ်ဆာလာပ်ကာအလယ်ရာ ကာစုတ်အား လာတလေးကဲ့အယ် အကနာစီမ်ညယ် ဟီမ်ပါအာအယ် ပူဝမ်မာ့။

Luke 6:42

နာန်ငါ့ မီပ်တူနားကာ ဖောမ်းတူနေငါကားကာ ဖိုက်ခေါက်သယ် အယူပ်မူရယ် ‘မိတ်ဆွေ၊ နာန်ငါမီပ်တူနားကာ့ ဖိုက်ခေါက်ဆဟာလည် ထုတ်သောကဲ့ အိနာပ်’ ငေါကဲ့အယ် မညယ် ငေါရင်နာန်ကားသယ်။ တီတ်ဆာကလန် ဟန်ဆောင်နောကားဟီမ်နာပ်၊ နီမ်ငါ မီပ်တူနားကာ့ ဖောမ်းတူနေကာ့ ဖိုက်ခေါက်သယ် အရာမ်ဆုံး လာဖိတ်အာမ်နိတ်။ အင်းညယ်မားလည် နာန်ငါ မိတ်ဆွေကာ့ မီပ်တူနားကာ့ ဖိုက်ခေါက်ဆဟာလည် လာပူကဲ့အယ် အီရင်ဟပ်ကား ထာမာ့” ငေါကဲ့အယ် မိန့်နောမာ့။