Luke 24:30 - Kanan

³⁰ ဟီမ်နာပ်နောက်တူတူ ရောက်မောက်တီမ် စပွဲရား ထောင်းငါမ်စန်နော် ကိုယ်တော်ကော ပေါင်မုန့်နယ် အောမ်းကဲ့အယ် ဘုရားရှင်ငါ ကျေးဇူးတော်လည် ချီးမွမ်းနောစီးရာမ်စန်နော် ပေါင်မုန့်နယ် လာဆိတ်ကဲ့အယ် ဟီမ်နာပ်ခနန်း အီရာမ်မာ့။

Luke 24:30 Iomraidhean Croise

Luke 22:19

ပေါင်မုန့်နယ် လာကဲ့အယ် ဘုရားရှင်ငါ ကျေးဇူးတော်လည် ချီးမွမ်းနောစီးရာပ်သော် ပေါင်မုန့်နယ် လာဆိတ်ကဲ့အယ် တပည့်လာပ်ခနန်းအီစီးရာပ်သော် “အင်းကာ ပေါင်မုန့်ငေါ နီမ်နန်း အီကားကာ ငါကာ့ခန္ဓာကိုယ် ထာမာ့။ ငါလည် သတိလူကားအနေနယ်အယ် အင်းကာညယ် အောမ်ဟီးလိတ်” ငေါကဲ့အယ် မိန့်နောမာ့။

Luke 24:29

ဟီမ်နာပ်ကော “စမီစ်ဆာမ်ကဲ့အယ် တအားနောက်ကျလော တင်းပါတ်သယ်မာ့ အလေဆူလာပ်နောက်တူတူ တည်းလောလိတ်” ငေါကဲ့အယ် ကိုယ်တော်လည် လျှောက်သောမာ့။ အင်းသယ် ကိုယ်တော်ကော ဟီမ်နာပ်နောက်တူတူ တည်းလောတီမ် လာပ်မာ့။

Luke 24:35

အင်းမာချိန်နယ် ဧမောက်ထိန်အယ် လီဟာမ်းငါးကာ့ တီတ်ဆာကယ်ဟောရီး ဧမောက်ထိန် လာမ်ငါး လမ်းမား ဟီမ်နာပ်ကြုံနီကာဖူမ်နောက် ပေါင်မုန့်နယ် လာဆိတ်အာမ်စန်နော် ကိုယ်တော်ယေရှု ထာမာငေါကားလည် ဟီမ်နာပ် မီမ်းဟော်ဝမ်ငါးကာ့ အကြောင်းဖူမ်နယ် ဆောမ်းဟာမ်းဟီးမာ့။

Luke 9:16

အင်းမာနောက်သယ် ကိုယ်တော်ကော ပေါင်မုန့် ဟာတူနောက် သမ်းငါ ကယ်မာလည် လာစီးရာမ်စန်နော် ရွှေမြို့တော်ဝါ ယူဟေကဲ့အယ် ဘုရားရှင်ငါ ကျေးဇူးလည် ချီးမွမ်းနောစီးရာမ်စန်နော် ဟီမ်ငါထော်နောက် ပေါင်မုန့်နောက်သမ်းငါလည် လာဆိတ်ကဲ့အယ် တပည့်လာပ်ခနန်း အီကဲ့အယ် တီတ်ဆာလာပ်ခနန်း မန်စီမ်းမာ့။