Luke 21:3 - Kanan

³ အင်းမာချိန်နယ် ကိုယ်တော်ကော “နီမ်နယ် ငါငေါ့နာပ်။ အင်းမာ အပေါ်ဟာကားကာ့ မုဆိုးမကော အခြား တီတ်ဆာလာပ်ကာ ထက်သယ် ပိုလောကဲ့အယ် အလှူဒါန အီရီကား ထာမာ့။

Luke 21:3 Iomraidhean Croise

Luke 12:44

နီမ်နယ် ငါငေါကားကော၊ သခင်ငေါ် အင်းမာအစေခံနယ် ဟီမ်ငါ ဥစ္စာပစ္စည်း ငါကားကာဖူမ်နယ်ရီး အပ်သောကဲ့အယ် လေးအောမ်စီမ်းကာ။

Luke 21:2

အပေါ်ဟာကား မုဆိုးမဟော်ဝါရီး တန်ဖိုးနည်းလောဟန်ဆုံး ထာကာကာ့ ကြေးနီဒင်္ဂါးa ကယ်ပါတ်သယ် အလှူခံသေတ္တာနား စာမ်းငါးလည် ယူပ်မူဝမ်မာ့။

Luke 21:4

မဟာအောမ်ကယ်လိုးငေါနော အခြားတီတ်ဆာလာပ်ကော ဟီမ်နာပ်ပါအာ ပိုလောကား စည်းစိမ်ဖူမ်ပါအာမာ့ ကြအာလည်ဟာ လှူလောဟီးဟာမာ့။ အင်းညယ်ငေါဝမ်ရီ အင်းမာ့ မုဆိုးမကော အပေါ်ဟာရီး ဟီမ်ရောက်တီမ်အူတီမ် လိုအပ်သောကား ဖူးအားလုံးနယ် လှူလာမ်ငါ ထာမာ့” ငေါကဲ့အယ် မိန့်နောမာ့။

Luke 4:25

ငါထပ်သောကဲ့အယ် အမှန်ငေါရယ်ငေါနော ပရောဖက်ဧလိယ လက်ထက်မားလည် အစ္စရေးပြည်ရာ မုဆိုးမဖူမ် နည်းကြီစ်ငါမာ့။ အင်းမာအချိန်ငါ ဆမ်ပီးပဲရယ် မိုးခေါင်နောကယ်မာ့ တိုင်းပြည်ကာ့ နေရာတိုင်းငါး ရောက်ခေါပ်ကား အူဟောပ်ကား ဒဏ်နယ် ခံနောဟီးထော်မာ့။

Luke 9:27

နီမ်နယ် ငါအမှန်ငေါထော်ဝမ်နော် အင်းကာနေရား ရပ်သောကဲ့လင်းငါးကာ့ တီတ်ဆာကြအာကော ဘုရားရှင်ငါ သာသနာတော်လည် အယူပ်မူကြီစ် ရှီးဟီးထော်ပ်ကားယို” ငေါကဲ့အယ် မိန့်နောမာ့။