Luke 2:38 - Kanan

³⁸ ရှုမောင်ငေါ် ယောသပ်နောက် မာရိလည် သပေါက်ကဲ့လင်းငါးချိန်နယ် ပုရောဖက် အန္နရီး အင်းမာနေရား ထုတ်အာပ်အီကယ်အယ် ဘုရားရှင်နယ် စားလောကဲ့အယ် ချီးမွမ်းနောမာ့။ အင်းမာနောက်သယ် ဟီမ်ငေါ ဂျေရုဆလင်မြို့ဝါးမာ့ တီတ်ဆာဖူမ်နောက် အခြားအစ္စရေးလူမျိုးလာပ်သယ် ကယ်တင်နောပ်ကာကာ့ ကယ်တင်ရှင်မေရှိယလည် ထက်ကဲ့လင်းဟီးကားကာ တီတ်ဆာတိုင်းနယ် ဆဟာယေရှုကာ့ အကြောင်းနယ် လိုက်သောကဲ့အယ် ဆောမ်းဟူမ်မာန်မာ့။

Luke 2:38 Iomraidhean Croise

Luke 1:68

“အစ္စရေးလူမျိုးလာပ်ကာ့ အရှင်ထာကာကာ့ ဘုရားရှင်နယ် ချီးမွမ်းနောမာ့။ ဟီမ်ငေါ ဟီမ်ငါတီတ်ဆာလာပ်သယ် လော်ပ်သော်စီမ်တီမ် ကြွလီကာရာမ်။

Luke 2:25

အင်းမာချိန်နယ် ဂျေရုဆလင်မြို့ဝါးလင်းငါးကာ ရှုမောင်ရယ် ကော်ကားကာ တီတ်ဆာဟော်ဝါငါမာ့။ ဟီမ်ငေါ ဖြောင့်မတ်သောကဲ့အယ် ဘုရားရှင်နယ် ယုံကြည်လောကားဟီမ်ရီး ထာမာ့။ ဟီမ်ငေါ အစ္စရေးလူမျိုးလာပ်သယ် ကယ်တင်နောတီမ် ဘုရားရှင် သာပ်လီကားကာ ကယ်တင်ရှင်မေရှိယလည် လေးကဲ့အယ် လင်းငါးကာဟီမ်ဟော်ဝါထာကယ်အယ် ဉာဏ်အလင်းတော်ရီ ဟီမ်နောက်တူတူ ငါကဲ့အယ်လင်းမာ့။

Luke 2:36

အင်းမာနေရား အောက်ဆော်တင်းငါးကာ အာရှာမျိုးနွယ်ဝင် ဖနွေလကာ့ရှိတ် ပရောဖက်hယာပ်ရှီဟော်ဝါ ထာကာကာ့ အန္နရီး ငါကဲ့အယ် လင်းမီမာ့။ ဟီမ်ငေါ ကျေးမီစ်စေါက်စီးကဲ့အယ် ဟီမ်ငါဟလားနောက်တူတူ ခုနစ်နှစ်နိုက်ချာ လင်းမောက်အီမူမာ့။ အင်းမာနောက်သယ် ဟီမ်ငါ ဟလားကော ရှီးပေးရာမ်မာ့။

Luke 23:51

ဟီမ်ငေါ ကိုယ်တော်ယေရှုဟနန် အခြားလွှတ်တော်အဖွဲ့ဝင်ဖူမ်ငါ ဆုံးဖြတ်ချက်ဖူမ်နောက် အောမ်မီကားဖူမ်နယ် သဘောတူလီယို။ အင်းမာပြာန်နယ် ဟီမ်ငေါ ယုဒပြည် အရိမဿဲမြို့သား ထာကယ်အယ် ဘုရားရှင်ငါ သာသနာတော် ထုတ်အီတီမ် မျှော်လောကဲ့အယ် လင်းငါးဟီမ်ရီး ထာမာ့။

Luke 24:21

အင်းမာအရှင်ငေါ် အလေဆူလာပ်ကာ့ အစ္စရေးတီတ်ဆာ အပေါင်းနာပ်သယ် ရွေးနှုတ်ကယ်တင်နောပ်ကာကာ့ အရှင်ထာ့ကား ငေါကဲ့အယ် အလေ မျှော်လင့်နောဟီးရီရာ အင်းမာအဖြစ်ပျက်ဖူမ် ထာရီကား ဆွန်းရာပ်မာပ်ပါတ်။