Luke 2:19 - Kanan

¹⁹ အင်းညယ်ငေါဝမ်ရီ မာရိကော ထာရီကား အကြောင်းအရာအားလုံးနယ် ဟီမ်ငါစိတ်နားဟာ ပေးကဲ့အယ် အင်းမာအကြောင်းအရာကော် မဟာလည် ငေါကာပ်ကာသယ် ငေါကဲ့အယ် အမြဲတမ်း တွေးလောကဲ့အယ် လင်းမာ့။

Luke 2:19 Iomraidhean Croise

Luke 1:66

အင်းမာသတင်းနယ် သာပ်မူကားကာ့ တီတ်ဆာဖူမ်ငေါ “အင်းကာဆဟာကော တုန်းပီပ်သော် မညယ်ကာ့တီတ်ဆာ ထာရီပ်ကားသယ်” ငေါကဲ့အယ် ဟီမ်နာပ်ကာ စိတ်နှလုံးငါးဟာ သပေါက်ကဲ့လင်းဟီးမာ့။ မဟာအောမ်ကယ်လိုးငေါနော ဘုရားရှင်ငါ တန်ခိုးတော်ရီ ဆဟာနောက်တူတူ ငါကဲ့လင်းကယ် ထာမာ့။

Luke 2:18

သိုးပေါ်ကားကာ့ တီတ်ဆာလာပ် ဆောမ်းငါးကာ့ အကြောင်းဖူမ်နယ် သပ်မူကာကာ့ တီတ်ဆာဖူမ်ရီး အန်းနောဟီးရာမ်မာ့။

Luke 2:51

အင်းမာစီးရာပ်သော် ဆဟာယေရှုကော ယောသပ်နောက် မာရိလာပ်နောက်တူတူ နာဇရက်မြို့ဝါ လာပ်ထာမ်းကဲ့အယ် ဟီမ်နာပ်သပေါက်ကားလည် ဆက်သောကဲ့အယ် သပ်ကဲ့အယ် လင်းမီမာ့။ အင်းညယ်ငေါဝမ်ရီ ဟီမ်ငါအမေကော ထာရီကားကာ အကြောင်းအရာဖူမ်အားလုံးနယ် ဟီမ်ငါစိတ်နားဟာ ပေးကဲ့အယ် တွေးလောကဲ့အယ် လင်းမာ့။