Luke 19:14 - Kanan

¹⁴ အင်းညယ်ငေါရီး ဟီမ်ငါဒေသပါအာမာ့ တီတ်ဆာဖူမ်ငေါ အင်းမာ့ ရာထူးကြီးလောကားဟီမ်နယ် ဘုရင်ထာစီမ်ကာပ်အိုသယ်မာ သံတမန် ကြအာလည် သာပ်ကဲ့အယ် ‘ အင်းကာဟီမ်နယ် ဘုရင်အဖြစ် အလေကော် ပေးကာပ်အို’ ငေါကဲ့အယ် ဘုရင်ကြီးလည် လျှောက်တင်နော်စီမ်မာ့။

Luke 19:14 Iomraidhean Croise

Luke 14:32

တကယ်လို့ နားကွန်းနယ် အတိုက်သောရင်ငါလည် စဉ်းစားလောပါတ်ပန်းနော အင်းမာဘုရင်ငေါ် အခြားဘုရင် စာပါအာ ငါကဲ့လင်းငါးအချိန်နယ် ဟီမ်ငါ သံသမန်ဖူမ်နယ် သာပ်ကဲ့အယ် စစ်ပြေငြီမ်းနောတီမ် ကမ်းလှမ်းနာထော်ပ်ကား။

Luke 19:13

အင်းမာညယ် အလာမ်ကြီစ်ရယ် ဟီမ်ငေါ အစေခံဆယ်ယောက်သယ် ကော်ကဲ့အယ် ဟော်ဝါစီလည် ဖူးတစ်မိနာ့aစီ အီကဲ့အယ် ‘အင်းကာ ဖူးလည် အသုံးပြုလောကဲ့အယ် ငါအလီဟာမ်ဟော်ပ်ကာအချိန်ထိ အင်းမာဖူးနောက် စီးပွားသမ်ဟီးလိတ်’ ငေါကဲ့အယ် ငေါပေးရီမာ့။

Luke 19:15

အင်းညယ်ငေါဝမ်ရီ ဘုရင်ကြီးကော အင်းမာ ရာထူးကြီးလောကားဟီမ်နယ် ဘုရင်အဖြစ်တင်မြောက်သောစီးရာမ်စန်နော် ဟီမ်ငါ တိုင်းပြည်ရာ လီဟာမ်းမာ့။ အင်းမာနောက်သယ် ဟီမ်ငေါ ဟီမ်ဖူးအီပေးရီကာ အစေခံဖူမ်ငေါ စီးပွားသမ်ကဲ့အယ် အမြတ်မနေလူမာ့ ငေါကားလည် မီမ်းဟော်ကာပ်ကယ် ဟီမ်ပါအာ ကော်ရီတီမ် အမိန့်အီရာမ်မာ့။

Luke 19:27

ရာ့ ငါဘုရင်အဖြစ် အုပ်ချုပ်သောကားလည် အလာကာပ်ကား ရန်သူဖူမ်နယ် အင်းကာနေရား ကော်ဟီးရီလိတ်။ ဟီမ်နာပ်သယ် ငါကာမန်းနား ကတ်ရှီးဟီးရာမ်နိတ်’ ငေါကဲ့အယ် အမိန့်အီရာမ်မာ့” ငေါကဲ့အယ် မိန့်နောမာ့။