30 တီတ်ဆာကာ့ဆာ ပေါ်လီကာမာန်းရာပ်သယ်ရီး အင်းကာညယ် ထာရီပ်ကား။
မဟာအောမ်ကယ်လိုးငေါနော တီတ်ဆာကာ့ဆာ ကြွလီရာမ်နော် ဟမောက်ပါအာအယ် ဟမောက်ရှီသပ်ကဲ့အယ် ဟမောက်ကြအာလုံး ထွန်းလင်းနောကယ်ညယ် တီတ်ဆာတိုင်း ယူပ်မူဟီးမုကား ထာမာ့။
လောတကော သောဒုံမြို့ဝါးအယ် လာမ်ဟာမ်းပေးကား မာန်းရာပ်သယ် ဟမောက်စုတ်အားအယ် ဝမ်(န)ဟူကားကာ သလောင်ဆီဖူမ် ဝေးလက်လီ ကယ်အယ် မြို့ဝါးကားတီတ်ဆာလာပ်တယ်ရီး ရှီးစီမ်းညီမာ့။
မဟာအောမ်ကယ်လိုးငေါနော အင်းမာ မာန်းရာပ်ကော် ဂျေရုဆလင်မြို့ဝါးမာ့ တီတ်ဆာဖူမ်နယ် အပြစ်အိကား ထာကယ်အယ် ပရောဖက်သာပ်ကာ့ ကျမ်းစာပါအာ ရေးလောပေးကား အကြောင်းဖူမ် အမှန်တကယ် ထာရီပ်ကား ထာမာ့။
အင်းမာနောက်သယ် တီတ်ဆာကာ့ဆာကော တန်ခိုးတော်ဖူမ်၊ ဘုန်းတန်ခိုးတော်ဖူမ် ထွန်းလင်းတောက်ပါးလောစာပ်ရယ် ဟလာမ်းဟီစ်ကြာပ်ကြားပါအာအယ် ကြွလီကာလည် တီတ်ဆာဖူမ် ယူပ်မူဟီးမုကား။
