Luke 14:18 - Kanan

¹⁸ နှာမ်ဖူမ်အားလုံးငေါ ဟော်ဝါစီးဟော်ဝါ အကြောင်း အမျိုးမျိုး ပြလောကဲ့အယ် လီတီမ် ငြင်းဆန်နော်ဟီမာ့။ ပထမဟော်ဝါကော ‘ငါကော လက်ပါးတစ်ကွက်မီးပေးကားသယ်မာ့ ယူဝါထော်ပ်ကား။ ငါလည် ခွင့်လွှတ်သောကဲ့အယ်’ ငေါကဲ့အယ် ငေါမာ့။

Luke 14:18 Iomraidhean Croise

Luke 14:17

ဧည့်ခံပွဲဟနန် အားလုံးအရာမ်သင့်ထာစီရာမ်စန်နော် ဖိတ်သောပေးကား ဟီမ်နာပ်ပါအာ အစေခံဟော်ဝါလည် သာပ်ကဲ့အယ် ‘အားလုံး အရာမ်သင့် ထာကဲ့လင်းပါတ်၊ ကြွလောဟီးစာပ်ဆွမ်’ ငေါကဲ့အယ် ငေါစီမ်းမာ့။

Luke 14:19

နောက်သယ်ဟော်ဝါကော ‘ငါကော မုတ်ငါးရှဉ်း မီးပေးကားသယ်မာ့ အင်းမာ့ မုတ်ဖူမ် ကလန်မယ် အလုပ်အောမ်ရင်ဒါရယ် လာမ်ကဲ့အယ် ယူဝါထော်ပ်ခူမ်း။ ငါလည် ခွင့်လွှတ်သောကဲ့အယ် အီစာမ်း’ ငေါကဲ့အယ် ငေါမာ့။

Luke 18:24

အင်းမာဟီမ် တအားဝမ်နည်းလောတင်းကဲ့အယ် လင်းငါးလည် ယူပ်မူဝမ်စန်းနော ကိုယ်တော်ယေရှုကော တပည့်တော်လာပ်သယ် “ဖူးဆွာမ်းငါးဟီမ်နာပ်ကော ဘုရားရှင်ငါ သာသနာတော်ပါအာ ဆာမ်တီမ် တအား ခက်ခဲလောမာ့။

Luke 8:14

စူပ်ခါးတွန်ကြာပ်ကြား လက်လာမ်ငါကာ့ မျိုးစေ့ဖူမ်ငေါ် ဘုရားရှင်ငါ နှုတ်ကပါတ်တော်လည် သပ်လာပ်ချီးမူမာ့ငေါရီး စိုးရိမ်ပူပန်နောကား၊ ချမ်းသာလော်ကာနောက် ‌ကာမဂုဏ်စည်းစိမ်ခံစားလောကားဖူမ်ငေါ ဖုံးလွှမ်းနောကဲ့အယ် ပိတ်ဆို့လာမ်ကယ်မာ့ ဘုရားရှင်ငါ နှုတ်ကပါတ်တော်နောက် အညီလော်ရယ် လင်းဟီးရာကာ တီတ်ဆာဖူမ်ထာမာ့။