Luke 13:14 - Kanan

¹⁴ အင်းညယ်ငေါဝမ်ရီ ဓမ္မာရုံတာဝန်ခံ ဟော်လောဝါကော် အူန်းပူစ်မာန်းရာပ်သယ် ကိုယ်တော်ယေရှုကော အင်းမာ ယာပ်ရှီလည် ကုလောကဲ့အီကယ်မာ့ ရှေရှောတင်းကဲ့အယ် တီတ်ဆာလာပ်သယ် “တစ်ပတ်ပါအာ အလုပ်အောမ်တီမ် ခွင့်ခြောက်ရက်ငါမာ့ရယ် ပညတ်တော်ပါအာ ခွင့်အီပေးမာ့။ အင်းမာမာန်းရာပ်ဖူမ်နယ်ဟာ အနာရောဂါဖူမ် ကုလောတီမ် လီဟီးလိတ်။ အူန်းပူစ်မာန်းရာပ်သယ် လီဟီရာပ်” ငေါကဲ့အယ် ငေါမာ့။

Luke 13:14 Iomraidhean Croise

Luke 6:11

အင်းမာချိန်ငါ ဖာရိရှဲလာပ်နောက် ကျမ်းထောကား ဆရာလာပ်ကော ရှေ‌ရှောတင်းကဲ့အယ် ကိုယ်တော်ယေရှုလည် မညယ်အောမ်ထော်ပ်ကားငေါကားလည် အချန်းချန်း တိုင်ပင်နောဟီးမာ့။

Luke 6:7

ဖာရိရှဲနောက် ကျမ်းထောကား ဆရာကြအာကော အူန်းပူစ်မာန်းရာပ်သယ် ကိုယ်တော်ကော ဟော်ဝါဟော်ဝါလည် ကုလောကဲ့အီမာငေါနော စွပ်စွဲလောတီမ် အကြောင်းပြချက် ဟော့ပ်သောကွန်းနယ် ကိုယ်တော်လည် ထံပါအာအယ် ထက်ကဲ့ယူကဲ့အယ် လင်းဟီးမာ့။

Luke 8:41

အင်းမာနောက်သယ် ယာဣရုရယ် ကော်ကားကာ ဓမ္မာရုံတာဝန်ခံဟော်ဝါကော ကိုယ်တော်ပါအာ လီကဲ့အယ် ကိုယ်တော်ယေရှုကာ မန်းနား ဒူးထောက်သောကဲ့အယ် ထောင်းစီးရာမ်စန်နော် ကိုယ်တော်လည် ဟီမ်ငါကျဉ်းမာကြွလီတီမ် တောင်းလျှောက်သောမာ့။