Luke 12:6 - Kanan

⁶ အူစီစ်ဆာနူစ်နူ ဟာမာလည် အဿရိဒင်္ဂါးbကယ်ပါတ်နောက် ငဟေကာယိုလေး။ အင်းညယ်ငေါဝမ်ရီ ဘုရားရှင်ငေါ် အူစီစ်ဆာ နူဝါဟာလည်ဟာမ်း တန်ဖိုးပေးမာ့။

Luke 12:6 Iomraidhean Croise

Luke 12:24

ဪဟား နူစ်နူလာပ်သယ် ယူဟီးလိတ်။ ဟီမ်နာပ်ကော စေါက်ရီး စေါက်ချီယို၊ အလှပ်ရယ် လင်းငါးပြာန်နယ် ရှီစ်ရှီပရှီဖူမ်နယ် သိုလှောင်နောတီမ် အခန်းနောက် ကတောမ်းရီး အပို။ အင်းမာညယ်ကိုဟာမ်း ဘုရားရှင်ငေါ် ဟီမ်နာပ်သယ် အီနောပ်ပေးမာ့။ ဘုရားရှင်ဟနန်း နီမ်ငေါ နူစ်နူဖူမ်ထက်သယ် ပိုလောကဲ့အယ် တန်ဖိုးကြီးလောမာ့။

Luke 12:27

ပေါက်ခါငါကားကာ့ ပါပါးဖူမ်နယ်ဟာ ယူဟီးလိတ်။ ဟီမ်နာပ်ကော အလုပ်ရီးအောမ်မို၊ ဟန်ဆူန်ရီး ဆူမ်းဟီးယိုး။ အင်းညယ်ငေါဝမ်ရီ နီမ်နယ် ငါငေါကာပ်ကာကော် တအားဆွာမ်းတင်းငါးကာ့ ဘုရင်ကြီး ရှောလမုန်ငါ အဝတ်ဖူမ်ဟာမ် ပေါက်ခါကာ့ ပါပါးဖူမ်ညယ် ကလန်မို။